ამერიკული გამოცემა New York Post ქართულ ღვინოზე სტატიას აქვეყნებს
ამერიკულ გამოცემაში „New York Post” სტატია სათაურით „დაივიწყეთ საფრანგეთი, მსოფლიოს ამ გამორჩეული რეგიონების ღვინოები დაგემოვნებად ღირს“ დაიბეჭდა, სადაც ქართულ ღვინოზე და საქართველოზეც არის საუბარი.
სტატია ღვინის ეროვნული სააგენტოს კონტრაქტორი ამერიკული მარკეტინგული კომპანიის „Colangelo & Partners” ჩართულობით მომზადდა.
სტატიის ავტორი ალექსანდრა ოუენსი (Alexandra Owens), მკითხველს საქართველოში სტუმრობას და ქართული ღვინის დაგემოვნებას ურჩევს. სტატიაში საუბარია ქართული ღვინის 8 ათასწლიან ისტორიაზე, ჯიშების მრავალფეროვნებასა და „იუნესკოს“ მიერ ქვევრის ღვინის დაყენების ტრადიციული მეთოდის არამატერიალურ კულტურულ მემკვიდრეობად გამოცხადებაზე. „შეიძლება აღმოჩნდეთ ქართული ღვინის მარანში, სადაც კვერცხის ფორმის ქვევრს ხსნით - ერთგვარ უძველეს ჭურჭელს, რომელიც დუღილისთვის გამოიყენება“ - აღნიშნავს ავტორი.
„New York Post” ერთ-ერთი ყველაზე პოპულარული ყოველდღიური გამოცემაა, რომელიც 1801 წელს დაარსდა და ამჟამად მილიონობით მკითხველი ჰყავს როგორც ბეჭდურ, ისე ონლაინ გამოცემაში.
ქართული ღვინის პოპულარიზაციის, ცნობადობის ზრდისა და ღვინის ტურიზმის განვითარების ხელშეწყობის მიზნით, ღვინის ეროვნული სააგენტო მრავალი წელია თანამშრომლობს ისეთ საერთაშორისო მედია-კომპანიებთან, როგორებიცაა CNN, CBS, Netflix, „The New York Times”, „Wine Enthusiast“ და სხვა.
დღის ტოპ 10 სიახლე
სხვა სიახლეები
ეს სივრცე ქმნის პირდაპირ კავშირს საქართველოს მზარდ სტარტაპ და ტექნოლოგიურ სექტორსა და აქ სან-ფრანცისკოში მსოფლიოს წამყვან ინოვაციურ ეკოსისტემას შორის - საქართველო სწრაფად ყალიბდება მეწარმეობის ცენტრად ევროპისა და აზიის გზაჯვარედინზე l სან ფრანცისკოს მერი ქართული ინოვაციების ჰაბის გახსნაზე
05.06.2026.11:52
ეს ჰაბი იქნება ადგილი, სადაც იდეები საზღვრებს გადაკვეთს და პარტნიორობები გადაიქცევა გრძელვადიან თანამშრომლობად, - განაცხადა სან ფრანცისკოს მერმა დანიელ ლურმა ინოვაციების ჰაბის გახსნის ღონისძიებაზე.
მან ასევე აღნიშნა, რომ საქართველო სწრაფად ყალიბდება მეწარმეობის ცენტრად ევროპისა და აზიის გზაჯვარედინზე.
„ჩვენთვის დიდი პატივია, რომ სან-ფრანცისკოში იმყოფებით ამ ოფიციალურ გახსნაზე, და მადლობელი ვართ თქვენი ლიდერობისა და თქვენი ძალისხმევისათვის, რომელიც მიმართულია ქართველი ხალხისა და სან-ფრანცისკოს შორის კავშირების გაძლიერებისკენ. ეს ქალაქი იზიდავს ადამიანებს, რომლებსაც სჯერათ, რომ მომდევნო დიდი იდეა შეიძლება გაჩნდეს ნებისმიერ ადგილას და ნებისმიერ დროს. ეს ჰაბიც ამ სულისკვეთების განსახიერებაა.
ეს სივრცე ქმნის პირდაპირ კავშირს საქართველოს მზარდ სტარტაპ და ტექნოლოგიურ სექტორსა და აქ სან-ფრანცისკოში მსოფლიოს წამყვან ინოვაციურ ეკოსისტემას შორის. ეს ჰაბი იქნება ადგილი, სადაც იდეები საზღვრებს გადაკვეთს და პარტნიორობები გადაიქცევა გრძელვადიან თანამშრომლობად. საქართველო სწრაფად ყალიბდება მეწარმეობის ცენტრად ევროპისა და აზიის გზაჯვარედინზე, და ჩვენ ვიცით, რომ ეს ცენტრი დაეხმარება უფრო მეტ ადამიანს სან-ფრანცისკოში ამ ფაქტის გაცნობიერებაში", - განაცხადა დანიელ ლურმა.
სან ფრანცისკოში გენერალური საკონსულოს ბაზაზე ინოვაციების ჰაბი გაიხსნა. ჰაბი ქართველ სტარტაპერებს, სტუდენტებს, მეწარმეებს და მეცნიერებს დაეხმარება, მოიზიდონ ამერიკული კაპიტალი და განავითარონ საკუთარი შესაძლებლობები. ღონისძიებას სან ფრანცისკოს მერი და სტარტაპ ეკოსისტემის მნიშვნელოვანი მოთამაშეები ესწრებოდნენ. პარალელურად აღინიშნა საქართველოს დამოუკიდებლობის დღე.
გავლენიან ამერიკულ გამოცემაში „Vine Pair“ ქართული ღვინის შესახებ ვრცელი სტატია გამოქვეყნდა
04.06.2026.15:34
პოპულარულ ამერიკულ გამოცემაში „SevenFifty daily” ქართული ღვინოების შესახებ სტატია გამოქვეყნდა
03.06.2026.14:08
