მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

არაბთა გაერთიანებული საამიროების ავიაკომპანიები გლობალურად ოპერირებას აფართოებენ

news image
mbc image

არაბთა გაერთიანებული საამიროების ავიაკომპანიები 2026 წელს მნიშვნელოვნად აფართოებენ თავიანთ გლობალურ დაფარვას - ამატებენ ახალ საერთაშორისო მიმართულებებს, ზრდიან ფრენების სიხშირეს მაღალი მოთხოვნის მქონე მარშრუტებზე და აძლიერებენ კომერციულ პარტნიორობებს, რაც მგზავრებს საკუთარი ქსელების მიღმა ასობით ქალაქთან დაკავშირების შესაძლებლობას აძლევს.

გაფართოების ახალი ეტაპი კიდევ უფრო ამყარებს ქვეყნის პოზიციას, როგორც მსოფლიოს ერთ-ერთი წამყვანი საავიაციო ჰაბისა, ამავდროულად კი ხელს უწყობს მზარდ მოთხოვნას როგორც ადგილობრივი მცხოვრებლების, ისე ტურისტებისა და საერთაშორისო ტრანზიტული მგზავრების მხრიდან.

გაფართოების პროცესს, ხელს უწყობენ Emirates, Etihad Airways, flydubai და Air Arabia თითოეული მათგანი ზრდის განსხვავებულ სტრატეგიას მიჰყვება, რომელიც მოიცავს როგორც გრძელმაგისტრალურ ფრენებსა და ნაკლებად ათვისებულ ბაზრებზე გაფართოებას, ისე დაბალბიუჯეტიან მგზავრობასა და უფრო ფართო კოდშეარ-პარტნიორობების განვითარებას.

Emirates, რომელიც ამჟამად ექვს კონტინენტზე დაახლოებით 140 მიმართულებას ემსახურება, 1 ოქტომბრიდან დუბაი - ჰელსინკის მიმართულებით ყოველდღიურ ფრენებს დაიწყებს, რაც შექმნის ერთადერთ მთელი წლის განმავლობაში მოქმედ პირდაპირ საჰაერო კავშირს არაბთა გაერთიანებულ საამიროებსა და ფინეთს შორის.

ავიაკომპანიამ ასევე გაზარდა არსებული მარშრუტების გამტარუნარიანობა - კოპენჰაგენის მიმართულებით დაამატა მეორე ყოველდღიური რეისი, ხოლო ფუკეტისა და კეიპტაუნის მიმართულებებზე დამატებითი ყოველდღიური ფრენები დანიშნა, რათა მგზავრთა მზარდ მოთხოვნას უპასუხოს.

Etihad Airways-მა აბუ-დაბიდან საერთაშორისო გაფართოების ტემპი დააჩქარა და საკუთარ ქსელს დაამატა კრაკოვი, პალმა-დე-მაიორკა, დამასკო და ზანზიბარი, ასევე განაახლა სეზონური ფრენები მიკონოსის, მალაგის, სანტორინის, ნიცისა და ელ-ალამეინის მიმართულებით.

ავიაკომპანიამ ასევე დააანონსა გეგმები, დაიწყოს ფრენები აფრიკის ექვსი მიმართულებით.

Air Arabia-მაც გააფართოვა ევროპული და რეგიონული მიმართულებების ქსელი.

Etihad Airways-მა ასევე გააფართოვა საკუთარი კომერციული ქსელი ახალი შეთანხმებების მეშვეობით.

banner image news banner
ნინო ჭანტურია ავტორი
LIVE
news banner

დღის ტოპ 10 სიახლე











სხვა სიახლეები

მსოფლიო
image ეროვნული ბანკის დელეგაცია ეკატერინე გალდავას ხელმძღვანელობით სამხრეთ კორეაში იმყოფებოდა

18.11.2026.11:33

საქართველოს ეროვნული ბანკის ვიცე-პრეზიდენტი ეკატერინე გალდავა, ფინანსური და საზედამხედველო ტექნოლოგიების განვითარების და საგადახდო სისტემების დეპარტამენტების წარმომადგენლებთან ერთად სამუშაო ვიზიტით სამხრეთ კორეის დედაქალაქ სეულში იმყოფებოდა.

ვიზიტი საქართველოს ეროვნულ ბანკსა და კორეის ცენტრალურ ბანკს (Bank of Korea) შორის გაფორმებული ორმხრივი თანამშრომლობის შეთანხმების საფუძველზე, ცოდნის პარტნიორობის პროგრამის (Knowledge Partnership Program - KPP) ფარგლებში განხორციელდა.

საქართველოს ეროვნული ბანკისა და კორეის ცენტრალური ბანკის ერთობლივ პროექტის მიზანი საქართველოში ღია ბანკინგისა და ღია ფინანსების განვითარებისთვის საერთაშორისო გამოცდილების შესწავლა და შესაბამისი რეკომენდაციების შემუშავებაა.

სამუშაო ვიზიტის ფარგლებში საქართველოს ეროვნული ბანკის დელეგაციამ შეხვედრები გამართა კორეის ცენტრალური ბანკის, კორეის საფინანსო სატელეკომუნიკაციო და კლირინგის ინსტიტუტის (Korea Financial Telecommunications and Clearings Institute  - KFTC) და სხვა შესაბამისი ორგანიზაციების წარმომადგენლებთან.

შეხვედრებზე მხარეებმა განიხილეს სამხრეთ კორეის გამოცდილება საგადახდო ინფრასტრუქტურის განვითარების, ღია ბანკინგისა და ღია ფინანსების დანერგვის, ინოვაციური საგადახდო მომსახურებებისა და ფინანსურ სექტორში კონკურენციის ხელშეწყობის მიმართულებით. განსაკუთრებული ყურადღება დაეთმო ღია ბანკინგის როლს საგადახდო მომსახურებების განვითარებაში, ალტერნატიული საგადახდო არხების შექმნასა და მომხმარებლებისთვის ფინანსურ მომსახურებებზე ხელმისაწვდომობის გაზრდას.

ეკატერინე გალდავას განცხადებით, საქართველოს ეროვნული ბანკისთვის პრიორიტეტულია თანამედროვე, უსაფრთხო და კონკურენტული საგადახდო ეკოსისტემის განვითარება, რაშიც მნიშვნელოვანი როლი ღია ბანკინგისა და ღია ფინანსების შესაძლებლობების გამოყენებას ენიჭება

„საქართველოს ეროვნული ბანკი აქტიურად მუშაობს ისეთი საგადახდო გარემოს ჩამოყალიბებაზე, რომელიც ხელს შეუწყობს ინოვაციების დანერგვას, კონკურენციის გაძლიერებასა და მომხმარებლებისთვის მრავალფეროვანი ფინანსური მომსახურებების შეთავაზებას. სამხრეთ კორეას ამ მიმართულებით მნიშვნელოვანი გამოცდილება აქვს. ცოდნის პარტნიორობის პროგრამა გვაძლევს შესაძლებლობას, გავეცნოთ პრაქტიკაში დანერგილ გადაწყვეტილებებს და შევაფასოთ მათი გამოყენების პერსპექტივები საქართველოს საგადახდო ბაზარზე“, - აღნიშნა ეკატერინე გალდავამ.

საქართველოს ეროვნული ბანკი განაგრძობს საერთაშორისო პარტნიორებთან თანამშრომლობას და საუკეთესო პრაქტიკის გაზიარებას, რაც ხელს შეუწყობს ქვეყანაში ღია ბანკინგისა და ღია ფინანსების შემდგომ განვითარებას, საგადახდო მომსახურებების ეფექტიანობის ზრდასა და ფინანსური ეკოსისტემის ინოვაციურ ტრანსფორმაციას.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა