აშშ თურქულ ბანკსა და მის ორ შვილობილ კომპანიას სანქციებს უწესებს

მსოფლიო

აშშ თურქულ ბანკსა და მის ორ შვილობილ კომპანიას სანქციებს უწესებს

09.09.2026.12:20

აშშ-ის სახაზინო დეპარტამენტმა პარასკევს მცირე ზომის თურქულ საინვესტიციო ბანკსა და მის ორ შვილობილ კომპანიას სანქციები დაუწესა. უწყების განცხადებით, ეს გადაწყვეტილება ტრამპის ადმინისტრაციის მიერ ირანზე ეკონომიკური ზეწოლის გაძლიერების კამპანიის ნაწილია.

სახაზინო დეპარტამენტის ინფორმაციით, სანქციები დაუწესდა სტამბოლში დაფუძნებულ Golden Global Yatirim Bankasi Anonim Sirketi-ს, აქტივების მმართველ კომპანია Golden Global Portfoy Yonetimi Anonim Sirketi-ს და აქტივების იჯარით გამცემ კომპანია Golden Global Varlik Kiralama Anonim Sirketi-ს.

ეს პირველი შემთხვევაა მიმდინარე კამპანიის ფარგლებში, როდესაც ნატოს წევრ ქვეყანაში მოქმედ ბანკს აშშ-ის სანქციები დაუწესდა. აშშ-ის სახაზინო დეპარტამენტის საგარეო აქტივების კონტროლის ოფისმა (OFAC) განაცხადა, რომ სანქციების შედეგად სამივე ორგანიზაცია სპეციალურად დასანქცირებულ პირთა სიაში (SDN List) შეიყვანეს, რაც მათ დოლარზე დაფუძნებულ ფინანსურ სისტემაზე წვდომას უზღუდავს. ამასთან, სახაზინო დეპარტამენტმა გასცა ზოგადი ლიცენზია, რომელიც სანქცირებულ ორგანიზაციებთან არსებული ტრანზაქციების ეტაპობრივად დასრულების მიზნით განხორციელების შესაძლებლობას იძლევა.