აზერბაიჯანული ნავთობის ფასი $87 უახლოვდება
მსოფლიო ბაზარზე ერთი ბარელი Azeri Light ნავთობის ფასი 0,59 დოლარით ანუ 0,68%-ით გაიზარდა და 86,88 აშშ დოლარი შეადგინა.
ამის შესახებ აზერბაიჯანულ მედიას ნავთობის ბაზრის წყარომ განუცხადა.
საფონდო ბირჟებზე Brent-ის ნავთობი ბარელზე 83,33 დოლარად იყიდება.
აზერბაიჯანის მიმდინარე წლის სახელმწიფო ბიუჯეტში ნავთობის ფასი 60 აშშ დოლარის დონეზეა განსაზღვრული.
შეგახსენებთ, რომ Azeri Light ნავთობის მინიმალური ფასი დაფიქსირდა 2020 წლის 21 აპრილს ($15,81), ხოლო მაქსიმალური ფასი 2008 წლის ივლისში ($149,66).
აზერბაიჯანში ნავთობი ძირითადად აზერი-ჩირაგ-გუნეშლის (ACG) საბადოების ბლოკის განვითარების შესახებ შეთანხმების ფარგლებში იწარმოება. სახელმწიფო ნავთობკომპანიის (სოკარის) წილი კონტრაქტში 25%-ია.
დღის ტოპ 10 სიახლე
სხვა სიახლეები
Emirates-მა ახალი ლუქს-ლაუნჯის დიზაინი წარადგინა, რომლის ინვესტიცია თითოეულ აეროპორტში დაახლოებით $13.6 მილიონი იქნება
03.07.2026.19:00
Emirates-მა ახალი ლუქს-ლაუნჯის დიზაინი წარადგინა, რომლის ინვესტიცია თითოეულ აეროპორტში დაახლოებით $13.6 მილიონი იქნება. ახალი ლაუნჯის კონცეფცია უკვე დაინერგა მიუნხენისა და ფრანკფურტის Emirates Lounge-ებში, ხოლო მომდევნო თვეებში მისი გაფართოება იგეგმება მანჩესტერში, მავრიკიასა და სტამბოლში.
Emirates-ის ინფორმაციით, კომპანია თითოელ ახალი თაობის ლაუნჯში დაახლოებით $13.6 მილიონზე მეტ ინვესტიციას განახორციელებს, რათა გააუმჯობესოს ინფრასტრუქტურა ძირითად საერთაშორისო მიმართულებებზე.
რედიზაინი აერთიანებს ავიაკომპანიის უახლესი თვითმფრინავების სალონების დიზაინის ელემენტებს, რაც აისახება აეროპორტის სივრცეებში - განახლებული ავეჯით, ტექნოლოგიებით, სასადილო ზონებით, ადგილობრივად შთაგონებული მენიუებით და სპეციალური სივრცეებით მუშაობის, დასვენებისა და სოციალური ურთიერთობისთვის.
ავიაკომპანიის განცხადებით, ახალი ლაუნჯის დიზაინი მომავალში იქნება Emirates-ის ლაუნჯების გლობალური სტანდარტის საფუძველი.
Emirates-ის თავმჯდომარის მოადგილემ და ოპერაციების მთავარმა დირექტორმა, აღნიშნა, რომ ეს ინვესტიცია ასახავს კომპანიის ფოკუსს მგზავრის გამოცდილების გაუმჯობესებაზე მთელი მოგზაურობის განმავლობაში.
„ჩვენი ინვესტიცია ახალი თაობის ლუქს-ლაუნჯების კონცეფციაში ასახავს Emirates-ის მუდმივ ერთგულებას, უზრუნველყოს უწყვეტი და პრემიუმ გამოცდილება მოგზაურობის ყველა ეტაპზე,“ - განაცხადა მან.
ელექტროენერგიის ფასების ზრდის ფონზე, ფილიპინები მზის ენერგიაზე გადასვლის ტემპით მსოფლიოში ლიდერობს
03.07.2026.17:00
BMW-მ აშშ-ის საწარმოებში ელექტრომობილების წარმოებისთვის $1.7 მილიარდის ინვესტიციის განხორციელება დაასრულა
03.07.2026.13:00
სომხეთმა ტურიზმის სტიმულირების მიზნით არაბთა გაერთიანებული საამიროებთან და გალფის ქვეყნებთან სავიზო შეღავათის პერიოდი გაახანგრძლივა
03.07.2026.09:00
აზიის განვითარების ბანკმა პრეზიდენტის არჩევის პროცესი დაიწყო - წარდგენილია მასატო კანდას კანდიდატურა
02.07.2026.09:52
FED-ის თავმჯდომარე მომდევნო ერთი წლის განმავლობაში ეკონომიკური მონაცემების ხარისხის გაუმჯობესებას გეგმავს
02.07.2026.09:08
