ბალტიის ზღვაში ფინეთსა და ესტონეთს შორის დამაკავშირებელი ელექტროკაბელი გაწყდა
ფინეთსა და ესტონეთს შორის დამაკავშირებელი ელექტროკაბელი Estlink 2, რომელიც ბალტიის ზღვის ფსკერზე გადის, გაწყდა. ინფორმაციას DW ავრცელებს.
როგორც სააგენტო აღნიშნავს, კაბელის მეშვეობით ფინეთიდან 650 მეგავატის სიმძლავრის დენი მიეწოდებოდა ესტონეთს. კაბელი ფინურ კომპანია Fingrid-ის ეკუთვნის. როგორც ფინეთის პრემიერ-მინისტრმა პეტერი ორპომ განაცხადა, მომხდარი ქვეყნის ენერგეტიკულ სისტემაზე გავლენას არ იქონიებს.
კომპანია Fingrid-ში არ გამორიცხეს, რომ, შესაძლოა, საქმე ჰქონდეთ დივერსიასთან, თუმცა ზუსტი მიზეზების დასადგენად გამოძიება არის ჩასატარებელი. კომპანიაში აღნიშნავენ, რომ კაბელის გაწყვეტის ადგილას, ინციდენტამდე ცოტა ხნით ადრე ჰონკონგის დროშის ქვეშ მცურავი Xin Xin Tiang 2 სახელწოდებით გემი შენიშნეს. მანამდე ამ ადგილს კუკის კუნძულების დროში ქვეშ მცურავმა გემმა ჩაუარა.
აღსანიშნავია, რომ ნოემბერში ბალტიის ზღვაში კაბელის გაწყვეტის ორი შემთხვევა დაფიქსირდა. 17 ნოემბერს შვედეთსა და ფინეთს შორის დამაკავშირებელი წყალქვეშა კაბელი გაწყდა, ხოლო 18 ნოემბერს გერმანიასა ფინეთს შორის გამავალი კაბელის გაწყვეტა დაფიქსირდა.
სხვა სიახლეები
ეროვნული ბანკის დელეგაცია ეკატერინე გალდავას ხელმძღვანელობით სამხრეთ კორეაში იმყოფებოდა
18.11.2026.11:33
საქართველოს ეროვნული ბანკის ვიცე-პრეზიდენტი ეკატერინე გალდავა, ფინანსური და საზედამხედველო ტექნოლოგიების განვითარების და საგადახდო სისტემების დეპარტამენტების წარმომადგენლებთან ერთად სამუშაო ვიზიტით სამხრეთ კორეის დედაქალაქ სეულში იმყოფებოდა.
ვიზიტი საქართველოს ეროვნულ ბანკსა და კორეის ცენტრალურ ბანკს (Bank of Korea) შორის გაფორმებული ორმხრივი თანამშრომლობის შეთანხმების საფუძველზე, ცოდნის პარტნიორობის პროგრამის (Knowledge Partnership Program - KPP) ფარგლებში განხორციელდა.
საქართველოს ეროვნული ბანკისა და კორეის ცენტრალური ბანკის ერთობლივ პროექტის მიზანი საქართველოში ღია ბანკინგისა და ღია ფინანსების განვითარებისთვის საერთაშორისო გამოცდილების შესწავლა და შესაბამისი რეკომენდაციების შემუშავებაა.
სამუშაო ვიზიტის ფარგლებში საქართველოს ეროვნული ბანკის დელეგაციამ შეხვედრები გამართა კორეის ცენტრალური ბანკის, კორეის საფინანსო სატელეკომუნიკაციო და კლირინგის ინსტიტუტის (Korea Financial Telecommunications and Clearings Institute - KFTC) და სხვა შესაბამისი ორგანიზაციების წარმომადგენლებთან.
შეხვედრებზე მხარეებმა განიხილეს სამხრეთ კორეის გამოცდილება საგადახდო ინფრასტრუქტურის განვითარების, ღია ბანკინგისა და ღია ფინანსების დანერგვის, ინოვაციური საგადახდო მომსახურებებისა და ფინანსურ სექტორში კონკურენციის ხელშეწყობის მიმართულებით. განსაკუთრებული ყურადღება დაეთმო ღია ბანკინგის როლს საგადახდო მომსახურებების განვითარებაში, ალტერნატიული საგადახდო არხების შექმნასა და მომხმარებლებისთვის ფინანსურ მომსახურებებზე ხელმისაწვდომობის გაზრდას.
ეკატერინე გალდავას განცხადებით, საქართველოს ეროვნული ბანკისთვის პრიორიტეტულია თანამედროვე, უსაფრთხო და კონკურენტული საგადახდო ეკოსისტემის განვითარება, რაშიც მნიშვნელოვანი როლი ღია ბანკინგისა და ღია ფინანსების შესაძლებლობების გამოყენებას ენიჭება
„საქართველოს ეროვნული ბანკი აქტიურად მუშაობს ისეთი საგადახდო გარემოს ჩამოყალიბებაზე, რომელიც ხელს შეუწყობს ინოვაციების დანერგვას, კონკურენციის გაძლიერებასა და მომხმარებლებისთვის მრავალფეროვანი ფინანსური მომსახურებების შეთავაზებას. სამხრეთ კორეას ამ მიმართულებით მნიშვნელოვანი გამოცდილება აქვს. ცოდნის პარტნიორობის პროგრამა გვაძლევს შესაძლებლობას, გავეცნოთ პრაქტიკაში დანერგილ გადაწყვეტილებებს და შევაფასოთ მათი გამოყენების პერსპექტივები საქართველოს საგადახდო ბაზარზე“, - აღნიშნა ეკატერინე გალდავამ.
საქართველოს ეროვნული ბანკი განაგრძობს საერთაშორისო პარტნიორებთან თანამშრომლობას და საუკეთესო პრაქტიკის გაზიარებას, რაც ხელს შეუწყობს ქვეყანაში ღია ბანკინგისა და ღია ფინანსების შემდგომ განვითარებას, საგადახდო მომსახურებების ეფექტიანობის ზრდასა და ფინანსური ეკოსისტემის ინოვაციურ ტრანსფორმაციას.