Energean ეგვიპტეში BP-ის ნავთობისა და გაზის აქტივების შესაძენად ექსკლუზიურ მოლაპარაკებებს აწარმოებს
გაზის მწარმოებელი კომპანია Energean (ENOG.L) ეგვიპტეში BP-ის ნავთობისა და გაზის მოპოვების მიმართულების ზოგიერთი აქტივის შესაძენად ექსკლუზიურ მოლაპარაკებებს აწარმოებს.
გარიგების ღირებულებამ, შესაძლოა, BP-ისთვის დაახლოებით 1 მილიარდი აშშ დოლარი შეადგინოს. წყაროების ცნობით, გარიგება მოიცავს BP-ის წილებს მოქმედ ოფშორულ West Nile Delta-ს აქტივებში, რომელსაც კომპანია Harbour-თან (HBR.L) ერთად ფლობს, ასევე მის 50%-იან კონტრაქტორულ წილს აღმოსავლეთ ხმელთაშუა ზღვაში მდებარე Temsah-ის კონცესიაში.
BP-მ, რომელმაც ეგვიპტეში ექვსი ათწლეულის განმავლობაში 35 მილიარდ აშშ დოლარზე მეტი ინვესტიცია განახორციელა, გასულ წელს ქვეყანაში დღეში 518 მილიონი კუბური ფუტი ბუნებრივი გაზი აწარმოა, რაც 2024 წელთან შედარებით დაახლოებით 40%-ით, ხოლო 2023 წელთან შედარებით თითქმის 60%-ით ნაკლებია.
პორტფელის გამარტივებისა და ვალისა და ხარჯების შემცირების უფრო ფართო სტრატეგიის ფარგლებში, წყაროების ცნობით, BP შეინარჩუნებს ეგვიპტურ აქტივებს, რომლებსაც არაბთა გაერთიანებულ საამიროებში დაფუძნებულ XRG-სთან ერთობლივი საწარმოს, Arcius-ის, მეშვეობით ფლობს. მათ შორის არის გიგანტური Zohr-ის გაზის საბადო.
დღის ტოპ 10 სიახლე
სხვა სიახლეები
თიბისის მხარდაჭერით ემიგრანტებისთვის ვარშავაში „თბილისობა“ გაიმართა
07.10.2026.11:55
თიბისის მხარდაჭერით, ვარშავაში 3 და 4 ოქტომბერს ჩატარებულმა „თბილისობამ“ ათასობით ქართველი ემიგრანტი, პოლონელი და საერთაშორისო სტუმარი გააერთიანა. „თბილისობა“, ვარშავაში მცხოვრები ქართველი ემიგრანტებისთვის, ქართული კულტურის, ტრადიციებისა და ერთმანეთთან კავშირის გაცოცხლების სივრცედ იქცა. ღონისძიებამ სამშობლოსთან სიახლოვის განცდა შექმნა და ემოციური კავშირი კიდევ უფრო გაამყარა.
ვარშავაში გამართულ დღესასწაულზე, თიბისი სტუმრებს განსაკუთრებული გამოცდილებით და არაერთი სასიამოვნო სიურპრიზით, აქტივობით და საჩუქრებით დახვდა.
თიბისი ემიგრანტებისთვის საბანკო მომსახურებას კიდევ უფრო მარტივსა და ხელმისაწვდომს ხდის. მსოფლიოს ნებისმიერი წერტილიდან მომხმარებლებს შეუძლიათ, დისტანციურად, სწრაფად და უსაფრთხოდ ისარგებლონ მათ საჭიროებებზე მორგებული საბანკო სერვისებით - ანგარიშის გახსნა, ციფრული ბარათის აღება, იპოთეკური სესხით სარგებლობა, გზავნილის გაგზავნა და განაღდება, თანხის დაგროვება და სხვა საბანკო პროდუქტები.
თიბისისთვის ემიგრანტებთან კავშირი მხოლოდ საბანკო მომსახურებით არ შემოიფარგლება. ბანკი მომავალშიც აქტიურად დაუჭერს მხარს ინიციატივებს, რომლებიც ქართველებს მსოფლიოს სხვადასხვა ქვეყანაში ერთმანეთთან და სამშობლოსთან აკავშირებს და ქართული კულტურის საერთაშორისო პოპულარიზაციას უწყობს ხელს.
Lion Finance Group-ის შვილობილი, Ameriabank-ი სომხეთის ყველაზე ინოვაციურ ციფრულ ბანკად დასახელდა Global Finance-ის მიერ
05.10.2026.11:53
McDonald’s განმეორებითი ვიზიტების წასახალისებლად ლოიალობის მრავალდონიან პროგრამას შექმნის
02.10.2026.16:00
შუა დერეფნის განვითარება გრძელვადიან პერსპექტივაში საქართველოს ეკონომიკას დამატებით 3.61%-ით გაზრდის | World Bank-ის ანგარიში
29.09.2026.08:10
