ევროკავშირმა და ინდოეთმა თავისუფალი ვაჭრობის შესახებ შეთანხმებას მოაწერეს ხელი
ევროკომისიის პრეზიდენტის, ურსულა ფონ დერ ლაიენის განცხადებით, ევროკავშირმა და ინდოეთმა თავისუფალი ვაჭრობის შესახებ შეთანხმების სახით „გარიგებების დედა“ გააფორმეს.
„ჩვენ ეს შევძელით. ჩვენ გარიგებების დედა გავაფორმეთ. 2-მილიარდიან ბაზარს ვქმნით. ეს არის ორი გიგანტის, მსოფლიოს მეორე და მეოთხე უდიდესი ეკონომიკების ისტორია. ეს არის ისტორია ორი გიგანტისა, რომელმაც აირჩია პარტნიორობა ურთიერთმომგებიანი პირობებით. ეს არის ძლიერი გზავნილი, რომ თანამშრომლობა არის საუკეთესო პასუხი გლობალურ გამოწვევებზე. ვაჭრობა ჩვენი პროდუქციის გაცვლას შეუწყობს ხელს და ჩვენს ერთობლივ საწარმო შესაძლებლობებს გააძლიერებს. მისი წყალობით წელიწადში 4 მილიარდი ევროს ოდენობის საექსპორტო გადასახადების შემცირება გახდება შესაძლებელი. ინდოეთსა და ევროპაში მილიონობით ადამიანისთვის კარგი ახალი სამუშაო ადგილები შეიქმნება“, - განაცხადა ფონ დერ ლაიენმა ინდოეთის პრემიერ-მინისტრთან, ნარენდრა მოდისთან გამართულ ერთობლივ პრესკონფერენციაზე.
ცნობისთვის, ევროკავშირმა და ინდოეთმა დღეს ნიუ-დელიში თავისუფალი ვაჭრობის შესახებ შეთანხმებას მოაწერეს ხელი. შეთანხმების მიხედვით, 2032 წლისთვის ევროკავშირი ინდოეთში ექსპორტს გააორმაგებს. ინდური მხარე ევროპულ საქონელზე ტარიფებს შეამცირებს ან საერთოდ გააუქმებს. ევროპულ კომპანიებს ინდოეთის ბაზარზე პრივილეგირებული წვდომა ექნებათ.
დღის ტოპ 10 სიახლე
სხვა სიახლეები
ერდოღანსა და ტრამპს შორის სატელეფონო საუბარი შედგა
18.08.2026.15:22
თურქეთის ლიდერი, ამერიკის პრეზიდენტს დონალდ ტრამპს ტელეფონით ესაუბრა. რეჯეფ თაიფ ერდოღანის ადმინისტრაციის ცნობით, ერდოღანმა ტრამპს ირანთან სამშვიდობო დიალოგის გაგრძელებისკენ მოუწოდა.
ლიდერებს შორის სატელეფონო საუბარი ასევე შეეხო ორ ქვეყანას შორის ურთიერთობებს, ღაზის სექტორში სამშვიდობო პროცესსა და უკვე მიღწეული შეთანხმებების განხორციელებას.
ევროკომისიამ AliExpress-ი ციფრული სერვისების აქტის დარღვევისთვის €550 მილიონით დააჯარიმა
27.07.2026.08:50
ევროკავშირი ევროპული ბანკების მასშტაბის ზრდისა და აშშ-ის ბანკებთან კონკურენტუნარიანობის ასამაღლებლად ახალ ზომებს ამზადებს
20.07.2026.17:00
აშშ-ში ნავთობგადამამუშავებელი ქარხნების მარჟებმა რეკორდულ ნიშნულს მიაღწია საწვავის დეფიციტის მოლოდინის ფონზე
20.07.2026.08:20
