ევროკავშირში ბოსტნეული 26%-ით გაძვირდა
2022 წელს ევროკავშირის ქვეყნებში სოფლის მეურნეობის პროდუქციაზე სამომხმარებლო ფასები 2021 წელთან შედარებით საშუალოდ 26%-ით გაიზარდა.
ამის შესახებ გასულ კვირას ევროპის სტატისტიკურმა სააგენტომ Eurostat-მა განაცხადა.
„2022 წელს სოფლის მეურნეობის პროდუქტებზე საშუალო ფასები წინა წელთან შედარებით ევროკავშირის ქვეყნებში 26%-ით გაიზარდა“, - ნათქვამია ევროსტატის განცხადებაში.
ფასების ზრდამ პიკს მიაღწია 2022 წლის მესამე კვარტალში - 30% 2021 წლის მესამე კვარტალთან შედარებით. ყველაზე მეტად კვერცხზე და ღორის ხორცზე ფასი შესაბამისად 64%-ით და 52%-ით გაიზარდა.
ფასები ყველაზე მეტად გაიზარდა უნგრეთში (+53%), პოლონეთში (+44%) და გერმანიაში (+38%). ყველაზე მცირე ზრდა დაფიქსირდა მალტაში (+4%), საფრანგეთში (+14%), იტალიასა და კვიპროსში (თითო +15%).
დღის ტოპ 10 სიახლე
სხვა სიახლეები
თურქეთმა სომხეთთან პირდაპირი ვაჭრობის რეჟიმი დაამყარა
13.05.2026.14:06
თურქეთის საგარეო საქმეთა სამინისტროს ინფორმაციით, ოფიციალურმა ანკარამ და ერევანმა დაასრულეს მუშაობა ბიუროკრატიულ პროცედურებზე, რომელიც ქვეყნებს პირდაპირი ორმხრივი ვაჭრობის საშუალებას მისცემს.
„2022 წლიდან დღემდე სომხეთთან ურთიერთობების ნორმალიზაციის პროცესისა და ნდობის გამყარებისკენ გადადგმული ნაბიჯების ფარგლებში, ჩვენს ქვეყანასა და სომხეთს შორის პირდაპირი ვაჭრობის დაწყებისთვის საჭირო მოსამზადებელი ბიუროკრატიული სამუშაოები 2026 წლის 11 მაისს დასრულებულია“, - აღნიშნულია თურქეთის საგარეო უწყების ინფორმაციაში.
თურქული მხარის მტკიცებით, ამიერიდან ორივე ქვეყანა ერთმანეთთან ვაჭრობის დროს საქონლის საბოლოო დანიშნულების ადგილად თურქეთისა და სომხეთის მითითებას შეძლებს.
ცნობისთვის, სომხეთსა და თურქეთს შორის პირდაპირი ორმხრივი ვაჭრობა არ არსებობდა. საქონელი ერთი ქვეყნიდან მეორეში მესამე სახელმწიფოს გავლით ხვდებოდა.
მიუხედავად მიმდინარე კონფლიქტისა Emaar-მა დუბაის უძრავი ქონების ბაზარზე რეკორდული გაყიდვები დააფიქსირა
13.05.2026.08:20
Dubai Holding-ი დეველოპერული კომპანია Emaar Properties-ის უმსხვილესი აქციონერი გახდა | გარიგების დეტალები
13.05.2026.08:10
