ევროკომისია ევროკავშირში გაზის ფასის მაქსიმალური ზღვრის დაწესებას განიხილავს
ევროკომისია ევროკავშირში გაზის ფასის მაქსიმალური ზღვრის დაწესებას განიხილავს. ინფორმაციას The Financial Times-ი ავრცელებს.
გამოცემის მტკიცებით, ამით ევროკომისიას სურს მომხმარებლები საწვავის გაძვირებისგან დაიცვას, ვინაიდან ბუნებრივი აირის ფასმა ევროკავშირის წევრ სახელმწიფოებში ბოლო ერთ კვირაში რეკორდულ ნიშნულს მიაღწია.
The Financial Times-ი წერს, რომ ევროპაში გაზი ამერიკასთან შედარებით ოთხჯერ ძვირია, რაც საწარმოების ეკონომიკურ მდგომარეობაზე უარყოფითად აისახება.
დღის ტოპ 10 სიახლე
სხვა სიახლეები
McDonald’s განმეორებითი ვიზიტების წასახალისებლად ლოიალობის მრავალდონიან პროგრამას შექმნის
02.10.2026.16:00
McDonald’s-ის მარკეტინგის მთავარმა ოფიცერმა ინვესტორთა დღეს განაცხადა, რომ კომპანია ლოიალობის პროგრამას ახალ, მრავალდონიან სისტემაზე გადაიყვანს. ცვლილების მიზანია უფრო მკაფიოდ განასხვავოს ერთმანეთისგან ხშირი და შემთხვევითი მომხმარებლები.
ეს გადაწყვეტილება რესტორნების სექტორში არსებულ ტენდენციას მოჰყვება, რომლის მიხედვითაც კომპანიები ლოიალობის პროგრამებში მრავალდონიან სისტემებს ნერგავენ და ფართო მასშტაბით ფასდაკლებების შეთავაზებაზე ნაკლებად არიან ორიენტირებული, რადგან ასეთმა პრაქტიკამ შესაძლოა მოგების მარჟებზე უარყოფითად იმოქმედოს. Starbucks-მა ლოიალობის პროგრამაში ანალოგიური ცვლილების შესახებ იანვარში განაცხადა.
McDonald’s-ის მიზანი იქნება, ლოიალობის პროგრამაში ახალი წევრები მოიზიდოს და არსებული წევრების მიერ შესყიდვების სიხშირე გაზარდოს.
ყველაზე აქტიური ორი კატეგორია, ჯამში, მსოფლიოში 220 მილიონ წევრს აერთიანებს. მათ შორის არიან მომხმარებლები, რომლებიც McDonald’s-ს თვეში ერთხელზე ხშირად სტუმრობენ, ასევე ისინი, რომლებიც რესტორანში 90 დღეში ერთხელ მაინც მიდიან.
