Kering-მა სტეფანო კანტინო Gucci-ს ახალი აღმასრულებელ დირექტორად წარადგინა.

WWD-ის ცნობით, 2025 წლის 1-ელ იანვარს ის ამ პოსტზე ჟან-ფრანსუა პალუსს შეცვლის. კანტინო  იტალიურ ბრენდს 2024 წლის მაისში შეუერთდა, როგორც აღმასრულებელი დირექტორის მოადგილე გახდა და მოახერხა კარიერული წინსვლა. 

„ღრმად მადლობელი ვარ ჟან-ფრანსუასთვის მისი თავდადებისა და Gucci-ს ერთგულებისთვის ამ გარდამავალ პერიოდში. დარწმუნებული ვარ, რომ ბოლო 15 თვის განმავლობაში სტეფანო და ბრენდის გუნდი წარმატებას მიაღწევენ და შეეცდებიან დააბრუნონ ბრენდი ლიდერის პოზიციაზე, რომელსაც ის იმსახურებს“, - თქვა ფრანსეს ბელეტინიმ, Kering-ის აღმასრულებელი დირექტორის მოადგილემ.

მანამდე სტეფანო კანტინო ოცი წლის განმავლობაში მუშაობდა Prada-ს მოდის სახლში, შემდეგ გადავიდა Louis Vuitton-ში, სადაც 2018 წლიდან აკონტროლებდა ფლაგმანი LVMH ბრენდის კომუნიკაციებსა და იმიჯს.

შეიძლება ვივარაუდოთ, რომ ასეთი სწრაფი ცვლილება განპირობებულია იმით, რომ კონგლომერატის ხელმძღვანელობა უკმაყოფილოა ბრენდის ფინანსური მაჩვენებლებით. 

ბრენდის შემოსავალი 2024 წლის პირველი ნახევრისთვის 19%-ით შემცირდა 4,1 მილიარდ ევრომდე.

Gucci-ს ამჟამინდელი აღმასრულებელი დირექტორი ჟან-ფრანსუა პალუსი, რომელიც ბრენდს წლის ბოლოს დატოვებს, ამ საპასუხისმგებლო თანამდებობაზე 2023 წლის ზაფხულში დაინიშნა. სწორედ მისი ხელმძღვანელობით განიცადა ბრენდის გუნდმა არაერთი მნიშვნელოვანი ცვლილება, მაგალითად, საბატო დე სარნოს გამოჩენა Gucci-ს ახალ სამხატვრო ხელმძღვანელად.