Hugo Boss-ის მოგება აჭარბებს პროგნოზებს - დეტალები

მსოფლიო

რუსეთმა დიზელის საწვავის ექსპორტზე დაწესებული აკრძალვა 30 სექტემბრამდე გაახანგრძლივა

04.09.2026.17:00

რუსეთმა შაბათს განაცხადა, რომ დიზელის საწვავის ექსპორტზე დაწესებული აკრძალვა 30 სექტემბრამდე გაახანგრძლივა.

მთავრობის განცხადების თანახმად, აკრძალვა ასევე მოიცავს მწარმოებლების მიერ ექსპორტზე გატანილ საზღვაო საწვავსა და გაზოილს. „ეს ზომები შიდა საწვავის ბაზრის სტაბილიზაციის მიზნით იქნა მიღებული“, - ნათქვამია განცხადებაში.

რუსეთმა ექსპორტის აკრძალვა 8 ივლისიდან 31 ივლისამდე თავდაპირველად შემოიღო, როგორც შიდა საწვავის ბაზრის მხარდაჭერის უფრო ფართო ღონისძიებების პაკეტის ნაწილი, რის შემდეგაც, 31 აგვისტომდე, აკრძალვა საწვავის მწარმოებლებისთვის გაახანგრძლივა.

რუსეთმა ასევე აკრძალა დიზელის ექსპორტი არამწარმოებლების მიერ და საავტომობილო ბენზინის ექსპორტი 2027 წლის 31 იანვრამდე, ხოლო საავიაციო საწვავის ექსპორტი - 2026 წლის ნოემბრის ბოლომდე.

რუსეთი, როგორც წესი, აშშ-ის შემდეგ მსოფლიოში დიზელის საწვავის სიდიდით მეორე ექსპორტიორია.