Hyundai აშშ-ში 94 600-ზე მეტ ავტომობილს ბაზრიდან გაიწვევს

მსოფლიო

Hyundai აშშ-ში 94 600-ზე მეტ ავტომობილს ბაზრიდან გაიწვევს

22.10.2026.13:00

Hyundai აშშ-ში 94 622 ავტომობილს უკან იწვევს ხანძრის გაჩენის რისკის გამო. ამის მიზეზია წინა სავარძლების შესაძლო გადახურება, რამაც შესაძლოა ავტომობილის აალება გამოიწვიოს როგორც გაჩერებულ, ისე მოძრაობის მდგომარეობაში. ამის შესახებ ხუთშაბათს აშშ-ის საგზაო მოძრაობის უსაფრთხოების ეროვნულმა ადმინისტრაციამ (NHTSA) განაცხადა.

NHTSA-ის ინფორმაციით, სავარძლის ელექტრორეგულირების ჩამრთველის ხარევზმა შესაძლოა ელექტროძრავის გადახურება და, შედეგად, ხანძრის გაჩენა გამოიწვიოს.
უკან გაწვევას ექვემდებარება 2015–2016 წლებში გამოშვებული Hyundai Genesis-ისა და 2017–2020 წლებში გამოშვებული Genesis G80-ის გარკვეული მოდელები. NHTSA-ის განცხადებით, Hyundai-მ ავტომობილების მფლობელებს ურჩია, შეკეთების დასრულებამდე სატრანსპორტო საშუალებები ღია სივრცეში, სხვა ავტომობილებისა და შენობა-ნაგებობებისგან მოშორებით გააჩერონ. მარეგულირებლის ინფორმაციით, ხარვეზის აღმოსაფხვრელად შესაბამისი ტექნიკური გადაწყვეტა ამჟამად შემუშავების პროცესშია. Hyundai-ის შეფასებით, ხარვეზი შესაძლოა უკან გასაწვევი 94 622 ავტომობილის დაახლოებით 1%-ს ჰქონდეს. კომპანიისთვის ცნობილია აშშ-ში აღნიშნულ დეფექტთან სავარაუდოდ დაკავშირებული ხანძრის ორი შემთხვევის შესახებ.

Nvidia დიდ ბრიტანეთში ხელოვნური ინტელექტის უსაფრთხოების კვლევებისთვის $250 მილიონს გამოყოფს 22.10.2026.12:00