ინდოეთის მთავრობა ქვეყნისთვის ძველი სახელის დაბრუნებას აპირებს
ინდოეთის მთავრობა აპირებს ქვეყანას ყოფილი სახელი ბჰარატი დაუბრუნოს. ამის შესახებ ინდოეთის ეროვნული კონგრესის ხელმძღვანელმა ჯაირამ რამეშიმ X-ზე დაწერა.
„ახლა კონსტიტუციის 1-ლი მუხლი შეიძლება იკითხებოდეს: ბჰარატი, ანუ ინდოეთი, უნდა იყოს სახელმწიფოთა კავშირი“, - წერს ჯაირამ რამეში.
მან აღნიშნა, რომ G20-ის ოფიციალური სადილის მოსაწვევები ინდოეთის პრეზიდენტისგან იგზავნება "პრეზიდენტ ბჰარატის" სახელით, ვიდრე ჩვეულებრივ "ინდოეთის პრეზიდენტის".
„ბჰარატს ინდოეთი ბრიტანელებმა გადაარქვეს. ჩვენი ქვეყანა ათასობით წელია ცნობილია ბჰარატის სახელით... ეს არის ქვეყნის უძველესი სახელი, რომელიც გვხვდება ძველ სანსკრიტულ ტექსტებში. სახელი "ინდოეთი" კოლონიურმა რეჟიმმა დაარქვა და ამდენად არის მონობის სიმბოლო. სახელი „ინდოეთი“ კონსტიტუციიდან ამოღებული უნდა იყოს“, - განაცხადა ინდოეთის პარლამენტის ზედა პალატის ერთ-ერთმა წევრმა.
შესაბამისი დადგენილება პარლამენტის რიგგარეშე სესიაზე იქნება წარდგენილი, რომელიც 18-22 სექტემბერს გაიმართება.
დღის ტოპ 10 სიახლე
სხვა სიახლეები
McDonald’s განმეორებითი ვიზიტების წასახალისებლად ლოიალობის მრავალდონიან პროგრამას შექმნის
02.10.2026.16:00
McDonald’s-ის მარკეტინგის მთავარმა ოფიცერმა ინვესტორთა დღეს განაცხადა, რომ კომპანია ლოიალობის პროგრამას ახალ, მრავალდონიან სისტემაზე გადაიყვანს. ცვლილების მიზანია უფრო მკაფიოდ განასხვავოს ერთმანეთისგან ხშირი და შემთხვევითი მომხმარებლები.
ეს გადაწყვეტილება რესტორნების სექტორში არსებულ ტენდენციას მოჰყვება, რომლის მიხედვითაც კომპანიები ლოიალობის პროგრამებში მრავალდონიან სისტემებს ნერგავენ და ფართო მასშტაბით ფასდაკლებების შეთავაზებაზე ნაკლებად არიან ორიენტირებული, რადგან ასეთმა პრაქტიკამ შესაძლოა მოგების მარჟებზე უარყოფითად იმოქმედოს. Starbucks-მა ლოიალობის პროგრამაში ანალოგიური ცვლილების შესახებ იანვარში განაცხადა.
McDonald’s-ის მიზანი იქნება, ლოიალობის პროგრამაში ახალი წევრები მოიზიდოს და არსებული წევრების მიერ შესყიდვების სიხშირე გაზარდოს.
ყველაზე აქტიური ორი კატეგორია, ჯამში, მსოფლიოში 220 მილიონ წევრს აერთიანებს. მათ შორის არიან მომხმარებლები, რომლებიც McDonald’s-ს თვეში ერთხელზე ხშირად სტუმრობენ, ასევე ისინი, რომლებიც რესტორანში 90 დღეში ერთხელ მაინც მიდიან.
