LinkedIn-ი 310 მილიონი ევროთი დაჯარიმდა
ირლანდიის მონაცემთა დაცვის კომისიამ LinkedIn მიზნობრივი რეკლამის ჩვენების მიზნით, ევროკავშირის ფარგლებში მომხმარებელთა პერსონალური მონაცემების უკანონო დამუშავებისთვის, 310 მილიონი ევროთი დააჯარიმა.
ამის შესახებ Bloomberg-ი წერს.
Microsoft Corp.-ის კუთვნილმა LinkedIn-მა ახლა მონაცემთა დამუშავება ევროკავშირის მონაცემთა დაცვის ზოგად რეგულაციასთან (GDPR) შესაბამისობაში მოსაყვანად უნდა განახორციელოს.
ირლანდიური მარეგულირებლის ხელმძღვანელის გრეჰემ დოილის თქმით, LinkedIn-ის მიერ პერსონალური მონაცემების დამუშავება შესაბამისი სამართლებრივი საფუძვლის გარეშე არის მონაცემთა სუბიექტების მონაცემთა დაცვის ფუნდამენტური უფლების აშკარა და სერიოზული დარღვევა.
LinkedIn-მა განაცხადა, რომ საქმე 2018 წლის პრეტენზიებიდან გამომდინარეობს.
„მიუხედავად იმისა, რომ ჩვენ გვჯერა, რომ ვაკმაყოფილებთ მონაცემთა დაცვის ზოგად რეგულაციას, ჩვენ ვმუშაობთ იმისათვის, რომ ჩვენი სარეკლამო პრაქტიკა შეესაბამებოდეს ამ გადაწყვეტილებას IDPC-ის ვადამდე“, - თქვა კომპანიის წარმომადგენელმა.
საგულისხმოა, რომ ირლანდიის მონაცემთა დაცვის კომისიამ გამოძიება LinkedIn-ის მონაცემთა პრაქტიკის შესახებ საფრანგეთის მონაცემთა მარეგულირებელთან შეტანილი საჩივრის შემდეგ დაიწყო. LinkedIn-ს, ისევე როგორც ბევრ სხვა მსხვილ ტექნიკურ კომპანიას, აქვს თავისი ევროპული შტაბი ირლანდიაში, რაც ნიშნავს, რომ ადგილობრივმა მარეგულირებლებმა უნდა აღასრულონ ევროკავშირის წესები.
დღის ტოპ 10 სიახლე
სხვა სიახლეები
ერდოღანსა და ტრამპს შორის სატელეფონო საუბარი შედგა
18.08.2026.15:22
თურქეთის ლიდერი, ამერიკის პრეზიდენტს დონალდ ტრამპს ტელეფონით ესაუბრა. რეჯეფ თაიფ ერდოღანის ადმინისტრაციის ცნობით, ერდოღანმა ტრამპს ირანთან სამშვიდობო დიალოგის გაგრძელებისკენ მოუწოდა.
ლიდერებს შორის სატელეფონო საუბარი ასევე შეეხო ორ ქვეყანას შორის ურთიერთობებს, ღაზის სექტორში სამშვიდობო პროცესსა და უკვე მიღწეული შეთანხმებების განხორციელებას.
ევროკომისიამ AliExpress-ი ციფრული სერვისების აქტის დარღვევისთვის €550 მილიონით დააჯარიმა
27.07.2026.08:50
ევროკავშირი ევროპული ბანკების მასშტაბის ზრდისა და აშშ-ის ბანკებთან კონკურენტუნარიანობის ასამაღლებლად ახალ ზომებს ამზადებს
20.07.2026.17:00
აშშ-ში ნავთობგადამამუშავებელი ქარხნების მარჟებმა რეკორდულ ნიშნულს მიაღწია საწვავის დეფიციტის მოლოდინის ფონზე
20.07.2026.08:20
