Lukoil-ის უცხოურ აქტივებს ამერიკული Carlyle Group-ი იყიდის
რუსული ენერგოგიგანტი „ლუკოილი“ თავის უცხოურ აქტივებს ამერიკულ კომპანია Carlyle Group-ს მიჰყიდის, ინფორმაციას Reuters-ი ავრცელებს.
სააგენტოს ცნობით, გადაწყვეტილება „ლუკოილის“ მმართველების მიერ ოფიციალურად უკვე მიღებულია. კომპანია ახლა აშშ-ის მთავრობის თანხმობას ელოდება.
რუსული „ლუკოილი“ ამერიკული სანქციების ქვეშ იმყოფება. აშშ-ის ხაზინის დეპარტამენტმა კომპანიას 28 თებერვლამდე მისცა ვადა, რათა მან თავისი უცხოური აქტივები გაყიდოს, წერს Reuters-ი.
თუ გარიგება შედგება, ეს იქნება უცხოეთში „ლუკოილის“ ექსპანსიის დასასრული. „ლუკოილის“ მიერ გავრცელებულ განცხადებაში აღნიშნულია, რომ კომპანიამ ამერიკულ Carlyle Group-თან შეთანხმებას მიაღწია და მას გადასცემს LUKOIL International GmbH-ს, რომელიც „ლუკოილის“ უცხოურ აქტივებს ფლობს.
Reuters-ის ინფორმაციით, საუბარია „ლუკოილის“ აქტივებზე ევროპაში, ახლო აღმოსავლეთში, აფრიკაში, ცენტრალურ აზიასა და მექსიკაში. გარდა ამისა, „ლუკოილი“ ფლობს ერაყში დასავლეთ კურნა 2-ის ნავთობის საბადოს და ბულგარეთსა და რუმინეთში ნაბთობგადამამუშავებელ ქარხნებს.
დღის ტოპ 10 სიახლე
სხვა სიახლეები
კოლუმბიაში მომხდარმა მიწისძვრამ ქვეყნიდან ყავის ექსპორტი თითქმის სრულად შეაჩერა
12.08.2026.12:38
ძლიერი მიწისძვრის შემდეგ, კოლუმბიიდან ყავის ექსპორტი თითქმის შეჩერდა. ჩახერგილი და გადაკეტილი გზების გამო, მთავარი პორტი ბუენავენტურა სატრანსპორტო მარშრუტებს მოეჭრა.
Bloomberg-ი წერს, რომ წყნარი ოკეანის სანაპიროზე მდებარე ბუენავენტურა კოლუმბიის მთავარ პორტად რჩება საზღვარგარეთ ყავის გასაგზავნად. ახლა მასთან წვდომა მიწისძვრის შედეგების გამო შეზღუდულია. ყავის ექსპერტების ასოციაციის Asoexport-ის ხელმძღვანელის გუსტავო გომესის თქმით, კომპანიებს მხოლოდ ცალკეული გადაზიდვების ორგანიზება შეუძლიათ, თუმცა სრული მოძრაობის აღდგენის ვადები ჯერჯერობით უცნობია.
სიტუაცია შეეხო რეგიონებს, სადაც ახლა მოსავლის აღება მიმდინარეობს, მათ შორის არის კაუკა, ნარინიო, ვალიე-დელ-კაუკა და უილა. იქ წარმოებული ყავის დიდ ნაწილს, როგორც წესი, შემდგომი ექსპორტისთვის ბუენავენტურაში ეზიდებიან.
ქვეყნის სხვა მსხვილი პორტები - კარტახენა და სანტა-მარტა კარიბის სანაპიროზე სერიოზული შეფერხებების გარეშე აგრძელებენ მუშაობას, თუმცა დაზარალებული რეგიონებიდან ნაკადების იქ გადამისამართება სატვირთო ტრანსპორტის ნაკლებობის გამო რთულდება.
7,4 მაგნიტუდის სიმძლავრის მიწისძვრა კოლუმბიაში 10 აგვისტოს მოხდა. ბოლო მონაცემებით, შედეგად სულ მცირე 180 ადამიანი დაიღუპა.
ევროკომისიამ AliExpress-ი ციფრული სერვისების აქტის დარღვევისთვის €550 მილიონით დააჯარიმა
27.07.2026.08:50
ევროკავშირი ევროპული ბანკების მასშტაბის ზრდისა და აშშ-ის ბანკებთან კონკურენტუნარიანობის ასამაღლებლად ახალ ზომებს ამზადებს
20.07.2026.17:00
აშშ-ში ნავთობგადამამუშავებელი ქარხნების მარჟებმა რეკორდულ ნიშნულს მიაღწია საწვავის დეფიციტის მოლოდინის ფონზე
20.07.2026.08:20
ADB-ს სექტორებისა და თემატური მიმართულებების საკითხებში ახალი ვიცე-პრეზიდენტი ჰყავს
20.07.2026.08:10
