მსოფლიო ბანკმა დაამტკიცა 400 მილიონი ევროს (468.4 მილიონი აშშ დოლარის ეკვივალენტი) დამატებითი დაფინანსება თურქეთში დეცენტრალიზებული განახლებადი ენერგიის ბაზრის გასაფართოებლად, რაც მოიცავს როგორც ქარის ენერგიის პროექტების, ასევე კომერციული მასშტაბის ბატარეების ენერგიის დაგროვების სისტემების (BESS) მხარდაჭერას.

დაფინანსება შედგება 200-200 მილიონი ევროს მოცულობის ორი სესხისგან, რომლებიც გაიცემა თურქეთის განვითარების და საინვესტიციო ბანკზე (TKYB) და თურქეთის ინდუსტრიული განვითარების ბანკზე (TSKB) და უზრუნველყოფილია თურქეთის სახელმწიფო გარანტიით.

ეს ინვესტიცია აფართოებს პროგრამას „ენერგიის დეცენტრალიზებული სისტემების ბაზარზე გადასვლის დაჩქარება“ და ეფუძნება მისი პირველი ეტაპის წარმატებულ შედეგებს, რომელიც 2024 წელს დამტკიცდა და მნიშვნელოვნად უწყობს ხელს ქვეყანაში დეცენტრალიზებული მზის ენერგიის ბაზრის განვითარებას. პროგრამა დაფუძნებულია შედეგებზე ორიენტირებული დაფინანსების მოდელზე, რომლის ფარგლებშიც თანხები მხოლოდ წინასწარ განსაზღვრული და დამოუკიდებლად დადასტურებული მიზნების მიღწევის შემდეგ გამოიყოფა. ახალი ეტაპი მოიცავს როგორც სახმელეთო ქარის ელექტროსადგურების პროექტებს, ასევე დეცენტრალიზებული მზის ენერგიისა და ბატარეების ენერგიის დაგროვების სისტემების ახალ ინვესტიციებს.

ბოლო ათწლეულის განმავლობაში თურქეთმა მნიშვნელოვნად გააქტიურა საქმიანობა განახლებადი ენერგიის მიმართულებით. მთავრობის განახლებული განახლებადი ენერგიის გეგმა 2035 წლისთვის ქარისა და მზის ენერგიის ერთობლივი დადგმული სიმძლავრის 120 გიგავატამდე გაზრდას, ასევე ბატარეების ენერგიის დაგროვების სისტემების მასშტაბურ განვითარებას ითვალისწინებს.

გაფართოებული პროგრამა ამ ბარიერების გადალახვას რამდენიმე მიმართულებით ისახავს მიზნად:

განვითარების ბანკების მეშვეობით გრძელვადიანი დაფინანსების უზრუნველყოფას და დაფინანსების ვადებს შორის არსებული შეუსაბამობის შემცირებას;
ბაზრის შესაძლებლობებისა და ფინანსური ექსპერტიზის გაძლიერებას, რათა შეფასდეს და ეფექტიანად იმართოს ახალი ქსელური ტექნოლოგიების რისკები;
კერძო სექტორის ჩართულობის წახალისებას და კომერციული ინვესტიციების მობილიზებას.