მსოფლიო ბაზარზე ნავთობის ფასი 126 დოლარამდე გაიზარდა
Brent-ის მარკის ერთი ბარელი ნავთობის ფასი მსოფლიო ბაზარზე 126 დოლარამდე ავარდა. ინფორმაციას The Guardian-ი ავრცელებს.
გამოცემის ცნობით, 2022 წლის შემდეგ ეს ნავთობის ყველაზე მაღალი ფასია. ფასის მატება აშშ-ის პრეზიდენტის დონალდ ტრამპის მიერ ირანული პორტების ბლოკადის გამოცხადებასთან არის დაკავშირებული.
The Guardian-ი იუწყება, რომ Brent-ის მარკის ნავთობის ფასი უკანასკნელ 24 საათში 13%-ით გაიზარდა. მიმდინარე კვირას სანავთობო ბაზრები შეშინებულები იყვნენ, რადგან ტრამპმა განაცხადა, რომ ის მზადაა ირანული პორტების ბლოკადის გასაგრძელებლად, რის საპასუხოდ ისლამურმა რესპუბლიკამ ჰორმუზის სრუტე მთლიანად დაკეტა.
ისლამაბადში დაგეგმილი აშშ-ირანის სამშვიდობო მოლაპარაკებები კი არ შედგა, შესაბამისად, ჩიხური ვითარება გრძელდება, ასკვნის გამოცემა.
დღის ტოპ 10 სიახლე
სხვა სიახლეები
რა პოზიციაზე გააგრძელებს მუშაობას ვადის ამოწურვის შემდეგ ჯერომ პაუელი
30.04.2026.12:00
FED-ის თავმჯდომარე ჯერომ პაუელი აცხადებს, რომ თავმჯდომარის ვადის ამოწურვის შემდეგ ის გააგრძელებს მუშაობას ცენტრალური ბანკის მმართველის (გუბერნატორის) პოზიციაზე.
„მას შემდეგ, რაც ჩემი თავმჯდომარის ვადა 15 მაისს დასრულდება, გარკვეული დროის განმავლობაში გავაგრძელებ მმართველად საქმიანობას. ვგეგმავ, მმართველის როლში დაბალი პროფილით ვიმოქმედო,“ - განაცხადა ჯერომ პაუელმა პრესკონფერენციაზე.
ევროკავშირი უკრაინისთვის 90 მილიარდი ევროს კრედიტის გადასაცემად პირობების გამკაცრებას გეგმავს - Bloomberg
29.04.2026.10:16
ჰამბურგში გამართულ ბუნებრივი ღვინოების ფესტივალში საქართველოდან შვიდი საოჯახო მარანი მონაწილეობდა
28.04.2026.12:00
ნავთობის ფასები იზრდება - როგორია მოლოდინები მიმდინარე კონფლიქტის ესკალაციასთან დაკავშირებით
28.04.2026.08:10
ქართული ღვინის წარდგენა სლოვენიაში, ქარვისფერი ღვინოების ფესტივალზე Orange Wine Festival გაიმართა
27.04.2026.11:35
