მსურს გადავუხადო საქართველოს პრემიერ-მინისტრს სომხეთ-აზერბაიჯანს შორის სარკინიგზო კომუნიკაციისა და ზოგადად მშვიდობის ხელშეწყობისთვის - ნიკოლ ფაშინიანი

მსოფლიო

ცენტრალური ბანკები აგრძელებენ ოქროს რეზერვების ზრდას მდგრადი გეოპოლიტიკური დაძაბულობის ფონზე - ECB

10.06.2026.15:50

საერთაშორისო ვალუტის გამოყენების ძირითად მაჩვენებლებში ევროს წილი ზომიერად გაიზარდა და დაახლოებით 20%-ს მიაღწია - აღნიშნულის შესახებ ინფორმაციას ECB ავრცელებს.

,,2025 წელს ევროს ნომინაციით საერთაშორისო სავალო ფასიანი ქაღალდების გამოშვებამ ერთიანი ვალუტის შემოღების შემდეგ ყველაზე მაღალ დონეს მიაღწია და 2024 წელთან შედარებით დაახლოებით 30%-ით გაიზარდა. ევრო პირველად გახდა ლიდერი მწვანე და მდგრადი საერთაშორისო ობლიგაციების ბაზარზე. ევროზონაში უცხოური პორტფელური ინვესტიციების შემოდინება ისტორიულ მაქსიმუმებთან ახლოს იყო”, - წერს ECB.

,,ამავდროულად, იკვეთება სისუსტის ნიშნებიც. ცენტრალური ბანკები გეოპოლიტიკური დაძაბულობის ფონზე აგრძელებენ ოქროს რეზერვების ზრდას, ხოლო ზოგიერთმა ქვეყანამ დააჩქარა ალტერნატიული, უცხოური საგადახდო სისტემების განვითარება, მათ შორის ციფრულ ტექნოლოგიებზე დაფუძნებული სისტემების. ეს ტენდენციები საერთაშორისო მონეტარული სისტემის მზარდ ფრაგმენტაციაზე მიუთითებს”, - აღნიშნულია ECB-ის გამოქვყნებულ ინფორმაციაში.