ოქროს ფასი იზრდება
ოქრო ძვირდება და ფასები რეკორდულ ნიშნულზეა, რასაც მხარს უჭერს აშშ-ის მონატერული განაკვეთის შემცირების მოლოდინი და ახლო აღმოსავლეთში არსებული დაძაბულობა.
ამის შესახებ Reuters წერს.
ოქრო 0,2%-ით გაძვირდა და უნციაზე $2 469,35 შეადგინა, მანამდე, ივლისში დაფიქსირებულმა ფასის რეკორდულმა ნიშნულმა უნციაზე $2 483,60 შეადგინა.
ფიუჩერსების ფასი აშშ-ის ოქროზე $2 508,40 დონეზე დასტაბილურდა.
მოსალოდნელია, რომ თუ აშშ-ში ფასების კლების ტენდენცია არ შენარჩუნდა, ოქროს ფასი ისტორიულ მაქსიმუმს მიაღწევს.
აშშ სამომხმარებლო ფასების ინდექსის მონაცემები გამოქვეყნდება 1230 GMT. ეკონომისტები თვიური ინფლაციის ზრდას 0.2%-ით, ხოლო წლიური საბაზო ინფლაციის 3.2%-მდე შენელებას ელიან.
აშშ-ის მწარმოებლის ფასები ივლისში მოსალოდნელზე ნაკლებად გაიზარდა, სამშაბათის მონაცემებმა აჩვენა, რომ ინფლაცია შემცირებულია.
CME FedWatch Tool-ის მიხედვით, სექტემბერში აშშ-ში განაკვეთის 50 საბაზისო პუნქტით შემცირების ალბათობა 52,5%-ია.
ოქრო ტრადიციულად განიხილება გეოპოლიტიკური და ეკონომიკური რისკების ჰეჯირების ინსტრუმენტად, ხოლო დაბალი საპროცენტო განაკვეთები ამცირებს აქტივის ფლობის შესაძლებლობებს.
დღის ტოპ 10 სიახლე
სხვა სიახლეები
ევროკომისიამ AliExpress-ი ციფრული სერვისების აქტის დარღვევისთვის €550 მილიონით დააჯარიმა
27.07.2026.08:50
ევროკომისიამ AliExpress-ი 550 მილიონი ევროთი დააჯარიმა ციფრული სერვისების აქტის მოთხოვნების დარღვევისთვის. კერძოდ, პლატფორმამ სათანადოდ ვერ შეასრულა ვალდებულება, შეეფასებინა და შეემცირებინა რისკები, რომლებიც მის ელექტრონული კომერციის პლატფორმაზე სახიფათო ან ყალბი პროდუქტების გაყიდვასთან იყო დაკავშირებული. ევროკომისიამ პლატფორმას შესაბამისი ზომების მიღება დაავალა.
რისკების სათანადო შეფასების ვალდებულების შეუსრულებლობა - AliExpress-მა სათანადოდ არ შეაფასა, ჰყავდა თუ არა საკმარისი რაოდენობის თანამშრომელი პოტენციურად აღნიშნული ტიპის პროდუქტების გადასამოწმებლად, AliExpress-მა არასათანადოდ შეაფასა, თუ როგორ აძლიერებს მისი რეკომენდაციისა და სარეკლამო სისტემები დასახელებული პროდუქტების გავრცელებას, AliExpress-ის რისკების შეფასებას აკლდა რაოდენობრივი მაჩვენებლები.
მოთხოვნების შესაბამისად, AliExpress-ს ახლა 2026 წლის 20 ოქტომბრამდე აქვს ვადა, რათა ევროკომისიას წარუდგინოს სამოქმედო გეგმა.
ევროკავშირი ევროპული ბანკების მასშტაბის ზრდისა და აშშ-ის ბანკებთან კონკურენტუნარიანობის ასამაღლებლად ახალ ზომებს ამზადებს
20.07.2026.17:00
აშშ-ში ნავთობგადამამუშავებელი ქარხნების მარჟებმა რეკორდულ ნიშნულს მიაღწია საწვავის დეფიციტის მოლოდინის ფონზე
20.07.2026.08:20
ADB-ს სექტორებისა და თემატური მიმართულებების საკითხებში ახალი ვიცე-პრეზიდენტი ჰყავს
20.07.2026.08:10
Boeing-მა 20-წლიანი პროგნოზი თვითმფრინავებზე მოთხოვნის შესახებ უცვლელად შეინარჩუნა, მიუხედავად მიმდინარე კონფლიქრით გამოწვეული რისკებისა
20.07.2026.08:00
კრისტალინა გეორგიევამ IMF-ის მთავარ ეკონომიკურ მრჩევლად და კვლევითი დეპარტამენტის ხელმძღვანელად სილვანა ტენრეირო დანიშნა
13.07.2026.13:00
