ქართული ღვინის 12 კომპანია მაიამიში საერთაშორისო გამოფენაზე „Vinexpo America“ მონაწილეობს
ქალაქ მაიამიში ღვინისა და ალკოჰოლური სასმელების საერთაშორისო გამოფენაზე „Vinexpo America“ ქართული ღვინის მწარმოებელმა 12-მა კომპანიამ საკუთარი პროდუქცია ღვინის ეროვნული სააგენტოს ფინანსური და ორგანიზაციული მხარდაჭერით წარადგინა.
მსგავსი მასშტაბის საერთაშორისო გამოფენაში მონაწილეობა მნიშვნელოვანია ქართული ღვინის ექსპორტის ზრდისა და საექსპორტო ბაზრების დივერსიფიკაციის ხელშეწყობისთვის.
„Vinexpo America“-ზე მონაწილეობით ქართულ კომპანიებს შესაძლებლობა ეძლევათ გაეცნონ მსოფლიო ღვინის ბაზრის თანამედროვე ტენდენციებსა და გამოწვევებს და დაამყარონ ახალი სავაჭრო პარტნიორული ურთიერთობები ამერიკის შეერთებულ შტატებში.
აშშ ერთ-ერთ სტრატეგიულ ბაზარს წარმოადგენს ქართული ღვინისთვის, სადაც მაღალია როგორც ხარისხის მოთხოვნები, ისე კონკურენციის დონე. ღვინის ეროვნული სააგენტოს მხარდაჭერით განხორციელებულმა არაერთმა ღონისძიებამ მნიშვნელოვნად შეუწყო ხელი ქართული ღვინის ცნობადობის ზრდას ამერიკის ბაზარზე.
ამასთან, ამერიკის შეერთებული შტატები ქართული ღვინისთვის ერთ-ერთ ყველაზე მაღალფასიან სეგმენტს წარმოადგენს, სადაც ერთი ლიტრი ქართული ღვინის საშუალო საექსპორტო ფასი დაახლოებით 6 აშშ დოლარს შეადგენს.
დღის ტოპ 10 სიახლე
სხვა სიახლეები
რუსეთმა სომხეთის ყველა საწარმოდან თევზის იმპორტი აკრძალა
26.06.2026.11:23
რუსეთის „როსსელხოზნადზორმა“ სომხეთის ყველა საწარმოდან თევზის იმპორტი აკრძალა. ინფორმაციას რუსული მედია ავრცელებს.
გარდა ამისა, რუსეთის ხელისუფლებამ ორ სომხურ თევზეულის საწარმოს სერტიფიკატი შეუჩერა. ოფიციალურ მიზეზად გამოვლენილი დარღვევები სახელდება.
როგორც „როსსელხოზნადზორში“ აცხადებენ, რუსული მხარე სომეხ კოლეგებთან ინტენსიურად მუშაობს, რათა თევზისა და თევზეულის უსაფრთხოება უზრუნველყოს.
აღსანიშნავია, რომ მანამდე რუსეთმა სომხეთიდან კალმახის იმპორტი აკრძალა.
არსებული ტენდენციები მიუთითებს განათლების სისტემასა და შრომის ბაზრის მოთხოვნებს შორის სუსტ კავშირზე - IMF
25.06.2026.07:40
ჰორმუზის სრუტიდან დამატებითი ნავთობტანკერების გასვლამ გლობალური მიწოდება გაზარდა - დეტალები
24.06.2026.16:41
ღვინის ეროვნული სააგენტოს მხარდაჭერითა, ქართული ღვინის წარდგენა აშშ-ში, ფესტივალზე „Food and Wine Classic Aspen” გაიმართა
22.06.2026.12:09
