მთავარიბიზნესიეკონომიკათეგეტა ბიზნესისთვის
ტურიზმიფინანსებიჯანდაცვასპორტი
ტექნოლოგიებიმსოფლიოპოლიტიკაგანათლება
სტარტაპებიWEEKENDბიზნეს მრჩეველისაზოგადოება
კიბერუსაფრთხოებამოსაზრებაფინანსებიპოდკასტები
ეკონომიკური ფორუმიInsider სიუჟეტიBusiness Insider Georgia X TVყველა ვიდეო
ყველა სიახლე
ბიზნეს მედია - Bank of Georgia
flag
AMD 7187.1
-0.0065
flag
AZN 1.5242
-0.0004
flag
CNY 38.826
-0.0067
flag
EUR 2.8423
-0.0124
flag
GBP 3.3968
-0.0191
flag
KZT 56.84
-0.0077
flag
TRY 0.0513
-0.0001
flag
USD 2.5926
-0.0007
news banner

რუსი და ჩინელი ტურისტების გარეშე ევროპაში ტურიზმის ბუმია

news image
mbc image

ევროპაში ტურიზმი პანდემიის შემდეგ რეკორდული ტემპით აღდგება. მილიონობით ადამიანი ჩქარობს შვებულებას და დასვენებას, რომელიც მიუწვდომელი იყო Covid-ის შეზღუდვების გამო.
რუსების შემცირების ფონზე, ევროპის ტურისტული ინდუსტრიის მაჩვენებლებზე DW წერს. 

რუსი და ჩინელი ტურისტების გარეშეც ევროპაში ტურისტული ბუმია

პანდემიის შემდეგ ევროპაში ტურიზმის აღდგენა სწრაფი ტემპით მიმდინარეობს. სასტუმროები, ტუროპერატორები და ავიაკომპანიები ახალ რეკორდებს ამყარებენ.

„2023 წლის პირველ ნახევარში ტურისტულ ობიექტებში ღამისთევების რაოდენობამ ბოლო ათწლეულის განმავლობაში უმაღლეს დონეს მიაღწია, რაც ბევრ ქვეყანაში სექტორის მაჩვენებლების შესამჩნევ აღდგენაზე მიუთითებს“, - ნათქვამია „ევროსტატის“ ვებსაიტზე გამოქვეყნებულ მასალაში. 

მიმდინარე წლის პირველ ნახევარში ტურისტულ ობიექტებში 1,193 მილიონი ღამისთევა დაფიქსირდა, რაც თითქმის 11 მილიონით მეტია 2019 წლის ანალოგიურ პერიოდთან შედარებით. გარდა ამისა, არსებული მაჩვენებლები 2022 წლის პირველ ნახევართან შედარებით 136 მილიონით მეტ ღამისთევას აფიქსირებს.

2023 წელს ტურიზმის ინდუსტრიაში საკმაოდ მაღალი მაჩვენებლები ფიქსირდება, მიუხედავად ფაქტორებისა, რომლებმაც უნდა შეაფერხონ ტურიზმი: ინფლაცია და ფასების ზრდა ევროპაში, მაღალი ტემპერატურა და ხანძარი ხმელთაშუა ზღვაში.

ამ ტურისტული ბუმის თავისებურება კი არის ის, რომ ეს ყველაფერი ხდება ევროპაში რუსი ტურისტების რაოდენობის მკვეთრი კლების და ჩინელი მოგზაურების ცუდად აღდგენილი ნაკადის ფონზე.

მიმდინარე წელს ყველაზე აქტიურები იყვნენ გერმანელი ტურისტები, რომლებმაც ფული არ დაზოგეს და ჯავშნები გააკეთეს სხვადასხვა კურორტებზე ოთხ და ხუთვარსკვლავიან სასტუმროებში. გაიზარდა მოთხოვნა საოჯახო ტურებზეც. გერმანია კი ევროპაში ერთ-ერთი წამყვანი გამავალი ტურისტული ბაზარია.

გერმანიის მთავარი ტუროპერატორის თქმით, მაღალი მოთხოვნა ზამთრის სეზონზეც გაგრძელდება. ირკვევა, რომ უკვე 15%-ით მეტი ჯავშანია, ვიდრე გასულ ზამთარში. მაგალითად, ზამთრის არდადეგებისთვის ყველაზე მაღალი მოთხოვნა ეგვიპტესა და კანარის კუნძულებზეა.

ზაფხულში გერმანელები ყველაზე ხშირად ირჩევდნენ დასვენებას საბერძნეთში, თურქეთსა და იტალიაში. საბერძნეთში ტურიზმის სტატისტიკა წელს შესაძლოა რეკორდულ მაჩვენებლებზეც გავიდეს. ქვეყანა საჰაერო გზით ყოველთვიურად 10%-ით მეტ მგზავრს იღებს, ვიდრე 2019 წელს, როდესაც 33 მილიონი ტურისტული ვიზიტები დაფიქსირდა

ტურისტული ბუმი შესამჩნევია დაბალბიუჯეტიანი ავიაკომპანიების მგზავრთა გადაადგილების მაჩვენებლებშიც. მაგალითად, Ryanair-ის მგზავრთნაკადის მაჩვენებლები 2023 წლის ივლისისა და აგვისტოსთვის საუკეთესო იყო კომპანიის ისტორიაში. მხოლოდ აგვისტოში Ryanair-მა რეკორდული 18,9 მილიონი მგზავრი გადაიყვანა, რაც 4 მილიონით მეტია 2019 წლის აგვისტოს მაჩვენებელზე.


 

banner image news banner
ავტორი
LIVE
news banner

დღის ტოპ 10 სიახლე











სხვა სიახლეები

მსოფლიო
image ეროვნული ბანკის დელეგაცია ეკატერინე გალდავას ხელმძღვანელობით სამხრეთ კორეაში იმყოფებოდა

18.11.2026.11:33

საქართველოს ეროვნული ბანკის ვიცე-პრეზიდენტი ეკატერინე გალდავა, ფინანსური და საზედამხედველო ტექნოლოგიების განვითარების და საგადახდო სისტემების დეპარტამენტების წარმომადგენლებთან ერთად სამუშაო ვიზიტით სამხრეთ კორეის დედაქალაქ სეულში იმყოფებოდა.

ვიზიტი საქართველოს ეროვნულ ბანკსა და კორეის ცენტრალურ ბანკს (Bank of Korea) შორის გაფორმებული ორმხრივი თანამშრომლობის შეთანხმების საფუძველზე, ცოდნის პარტნიორობის პროგრამის (Knowledge Partnership Program - KPP) ფარგლებში განხორციელდა.

საქართველოს ეროვნული ბანკისა და კორეის ცენტრალური ბანკის ერთობლივ პროექტის მიზანი საქართველოში ღია ბანკინგისა და ღია ფინანსების განვითარებისთვის საერთაშორისო გამოცდილების შესწავლა და შესაბამისი რეკომენდაციების შემუშავებაა.

სამუშაო ვიზიტის ფარგლებში საქართველოს ეროვნული ბანკის დელეგაციამ შეხვედრები გამართა კორეის ცენტრალური ბანკის, კორეის საფინანსო სატელეკომუნიკაციო და კლირინგის ინსტიტუტის (Korea Financial Telecommunications and Clearings Institute  - KFTC) და სხვა შესაბამისი ორგანიზაციების წარმომადგენლებთან.

შეხვედრებზე მხარეებმა განიხილეს სამხრეთ კორეის გამოცდილება საგადახდო ინფრასტრუქტურის განვითარების, ღია ბანკინგისა და ღია ფინანსების დანერგვის, ინოვაციური საგადახდო მომსახურებებისა და ფინანსურ სექტორში კონკურენციის ხელშეწყობის მიმართულებით. განსაკუთრებული ყურადღება დაეთმო ღია ბანკინგის როლს საგადახდო მომსახურებების განვითარებაში, ალტერნატიული საგადახდო არხების შექმნასა და მომხმარებლებისთვის ფინანსურ მომსახურებებზე ხელმისაწვდომობის გაზრდას.

ეკატერინე გალდავას განცხადებით, საქართველოს ეროვნული ბანკისთვის პრიორიტეტულია თანამედროვე, უსაფრთხო და კონკურენტული საგადახდო ეკოსისტემის განვითარება, რაშიც მნიშვნელოვანი როლი ღია ბანკინგისა და ღია ფინანსების შესაძლებლობების გამოყენებას ენიჭება

„საქართველოს ეროვნული ბანკი აქტიურად მუშაობს ისეთი საგადახდო გარემოს ჩამოყალიბებაზე, რომელიც ხელს შეუწყობს ინოვაციების დანერგვას, კონკურენციის გაძლიერებასა და მომხმარებლებისთვის მრავალფეროვანი ფინანსური მომსახურებების შეთავაზებას. სამხრეთ კორეას ამ მიმართულებით მნიშვნელოვანი გამოცდილება აქვს. ცოდნის პარტნიორობის პროგრამა გვაძლევს შესაძლებლობას, გავეცნოთ პრაქტიკაში დანერგილ გადაწყვეტილებებს და შევაფასოთ მათი გამოყენების პერსპექტივები საქართველოს საგადახდო ბაზარზე“, - აღნიშნა ეკატერინე გალდავამ.

საქართველოს ეროვნული ბანკი განაგრძობს საერთაშორისო პარტნიორებთან თანამშრომლობას და საუკეთესო პრაქტიკის გაზიარებას, რაც ხელს შეუწყობს ქვეყანაში ღია ბანკინგისა და ღია ფინანსების შემდგომ განვითარებას, საგადახდო მომსახურებების ეფექტიანობის ზრდასა და ფინანსური ეკოსისტემის ინოვაციურ ტრანსფორმაციას.

საქართველოს ეკონომიკური ფორუმი

Powered by Business Insider Georgia

ვრცლად
economic forum

სიახლეების გამოწერა