საქართველოს საელჩო საბერძნეთში ხანძრებთან დაკავშირებით განცხადებას ავრცელებს
საქართველოს საელჩო საბერძნეთში ხანძართან დაკავშირებით სპეციალურ განცხადებას ავრცელებს. საქართველოს საელჩო საბერძნეთში საქართველოს მოქალაქეებს მოუწოდებს, დაემორჩილონ საბერძნეთის შესაბამისი უწყებების მითითებებს.
„ატიკის ტერიტორიაზე, კერძოდ ვარნავას, როდოპოლის, სტამატასა და ამიგდალეზაზე არსებულ ხანძართან დაკავშირებით გაცნობებთ შემდეგს:
საელჩოს მუდმივი კომუნიკაცია აქვს საბერძნეთის კლიმატური კრიზისებისა და მოქალაქეთა უსაფრთხოების სამინისტროსთან.
ამასთან, როგორც მოგეხსენებათ, საელჩოში 24 საათის განმავლობაში ფუნქციონერბს ცხელი ხაზი ( +306952220000), რომელზეც ამ დრომდე არ შემოსულა რაიმე შეტყობინება საქართველოს მოქალაქეების მხრიდან.
საელჩოს ცხელი ხაზი განთავსებულია როგორც საელჩოს, ისე საკონსულოს ვებ-გვერდებზე.
ამასთან, საჭიროების შემთხვევაში მოგიწოდებთ, დაემორჩილოთ საბერძნეთის შესაბამისი უწყებების მიერ გავრცელებულ მითითებებს, მათ შორის, გამოცხადების შემთხვევაში ევაკუაციის მოთხოვნებს.
აქვე მიგითითებთ შემდეგ ტელეფონის ნომრებს: საბერძნეთის პოლიცია - 100, სახანძრო სამსახური - 199, სასწრაფო დახმარება - 166.
საელჩო თავის მხრივ საჭიროებისამებრ მოგაწვდით განახლებულ ინფორმაციას!
შეგახსენებთ, რომ უწყვეტ რეჟიმში მოქმედებს საელჩოს ცხელი ხაზი +306952220000“,- ნათქვამია საელჩოს განცხადებაში.
საბერძნეთში, ტყის ხანძრის გამო, ათასობით ადამიანის ევაკუაციის ბრძანება გაიცა. სტიქია ათენთან ახლოს მძვინვარებს. ხელისუფლებამ რამდენიმე სოფლისა და ქალაქის ათასობით მცხოვრებს სტიქიის ზონის დატოვებისკენ მოუწოდა. 30 000-ზე მეტი ადამიანი ზღვისპირა ქალაქ ნეა მაკრისში უკვე გადაიყვანეს.
დღის ტოპ 10 სიახლე
სხვა სიახლეები
Emirates-მა ახალი ლუქს-ლაუნჯის დიზაინი წარადგინა, რომლის ინვესტიცია თითოეულ აეროპორტში დაახლოებით $13.6 მილიონი იქნება
03.07.2026.19:00
Emirates-მა ახალი ლუქს-ლაუნჯის დიზაინი წარადგინა, რომლის ინვესტიცია თითოეულ აეროპორტში დაახლოებით $13.6 მილიონი იქნება. ახალი ლაუნჯის კონცეფცია უკვე დაინერგა მიუნხენისა და ფრანკფურტის Emirates Lounge-ებში, ხოლო მომდევნო თვეებში მისი გაფართოება იგეგმება მანჩესტერში, მავრიკიასა და სტამბოლში.
Emirates-ის ინფორმაციით, კომპანია თითოელ ახალი თაობის ლაუნჯში დაახლოებით $13.6 მილიონზე მეტ ინვესტიციას განახორციელებს, რათა გააუმჯობესოს ინფრასტრუქტურა ძირითად საერთაშორისო მიმართულებებზე.
რედიზაინი აერთიანებს ავიაკომპანიის უახლესი თვითმფრინავების სალონების დიზაინის ელემენტებს, რაც აისახება აეროპორტის სივრცეებში - განახლებული ავეჯით, ტექნოლოგიებით, სასადილო ზონებით, ადგილობრივად შთაგონებული მენიუებით და სპეციალური სივრცეებით მუშაობის, დასვენებისა და სოციალური ურთიერთობისთვის.
ავიაკომპანიის განცხადებით, ახალი ლაუნჯის დიზაინი მომავალში იქნება Emirates-ის ლაუნჯების გლობალური სტანდარტის საფუძველი.
Emirates-ის თავმჯდომარის მოადგილემ და ოპერაციების მთავარმა დირექტორმა, აღნიშნა, რომ ეს ინვესტიცია ასახავს კომპანიის ფოკუსს მგზავრის გამოცდილების გაუმჯობესებაზე მთელი მოგზაურობის განმავლობაში.
„ჩვენი ინვესტიცია ახალი თაობის ლუქს-ლაუნჯების კონცეფციაში ასახავს Emirates-ის მუდმივ ერთგულებას, უზრუნველყოს უწყვეტი და პრემიუმ გამოცდილება მოგზაურობის ყველა ეტაპზე,“ - განაცხადა მან.
ელექტროენერგიის ფასების ზრდის ფონზე, ფილიპინები მზის ენერგიაზე გადასვლის ტემპით მსოფლიოში ლიდერობს
03.07.2026.17:00
BMW-მ აშშ-ის საწარმოებში ელექტრომობილების წარმოებისთვის $1.7 მილიარდის ინვესტიციის განხორციელება დაასრულა
03.07.2026.13:00
სომხეთმა ტურიზმის სტიმულირების მიზნით არაბთა გაერთიანებული საამიროებთან და გალფის ქვეყნებთან სავიზო შეღავათის პერიოდი გაახანგრძლივა
03.07.2026.09:00
აზიის განვითარების ბანკმა პრეზიდენტის არჩევის პროცესი დაიწყო - წარდგენილია მასატო კანდას კანდიდატურა
02.07.2026.09:52
FED-ის თავმჯდომარე მომდევნო ერთი წლის განმავლობაში ეკონომიკური მონაცემების ხარისხის გაუმჯობესებას გეგმავს
02.07.2026.09:08
