Toyota-ს გაყიდვები და წარმოება სექტემბერში ზედიზედ მესამე თვეა მცირდება
იაპონურმა ავტომწარმოებელმა Toyota-მ ხუთშაბათს განაცხადა, რომ სექტემბერში კომპანიის ავტომობილების გლობალური გაყიდვები და წარმოება ზედიზედ მესამე თვეა მცირდება, რაც ძირითადად ჩინეთსა და ახლო აღმოსავლეთში დაფიქსირებული კლებით არის განპირობებული.
მსოფლიოს უმსხვილესი ავტომწარმოებლის გლობალური გაყიდვები სექტემბერში, გასული წლის ანალოგიურ პერიოდთან შედარებით, 2.2%-ით შემცირდა და 860 107 ავტომობილი შეადგინა, ხოლო წარმოება 3.2%-ით, 889 079 ავტომობილამდე შემცირდა.
ძირითადი მაჩვენებლები:
- ჩინეთი: გაყიდვები 19.7%-ით შემცირდა. ქვეყანაში გაყიდვების კლება ზედიზედ მერვე თვეა ფიქსირდება. Toyota-ს განცხადებით, ბენზინის ფასების ზრდამ უარყოფითად იმოქმედა ბენზინზე მომუშავე და ჰიბრიდულ ავტომობილებზე მოთხოვნაზე.
- ახლო აღმოსავლეთი: ავტომობილების გაყიდვები 29.8%-ით შემცირდა.
- იაპონია: გაყიდვები 1.8%-ით გაიზარდა.
- აშშ: Toyota-ს უმსხვილეს ბაზარზე გაყიდვები 8.4%-ით გაიზარდა.
- წარმოება: ჩინეთში ავტომობილების წარმოება 18.6%-ით შემცირდა, აშშ-ში 2.9%-ით, ხოლო იაპონიაში 5.8%-ით გაიზარდა.
Toyota-ს მიერ გამოქვეყნებული მონაცემები ასევე მოიცავს კომპანიის პრემიუმ კლასის ავტომობილების ბრენდ Lexus-ს.
სხვა სიახლეები
Turkish Airlines-მა 150-მდე Boeing 737 MAX-ის ტიპის თვითმფრინავის შესყიდვის შეთანხმება გააფორმა
03.11.2026.17:00
2025 წლიდან მიმდინარე მოლაპარაკებების შედეგად მიღწეული შეთანხმება Turkish Airlines-ის ისტორიაში Boeing-ის ერთგასასვლელიანი თვითმფრინავების ყველაზე მასშტაბური შეკვეთა იქნება. შეთანხმება ხელს შეუწყობს ავიაკომპანიის საჰაერო ფლოტის გაფართოების სტრატეგიის განხორციელებას და მოკლე და საშუალო მანძილზე ფრენების ქსელის გაძლიერებას.
Boeing 737 MAX-ის ტიპის თვითმფრინავების შესყიდვის შესახებ შეთანხმება თურქეთის რესპუბლიკის პრეზიდენტის, რეჯეფ თაიფ ერდოღანის მონაწილეობით საბოლოოდ გაფორმდა.
შეკვეთა მოიცავს 100 ერთეული Boeing 737-8-ის ტიპის თვითმფრინავის გარანტირებულ შესყიდვას და დამატებით 50 ერთეული Boeing 737 MAX-ის ტიპის თვითმფრინავის შეძენის ოფციონს. შეთანხმება ასევე ითვალისწინებს შეკვეთილი თვითმფრინავების Boeing 737 MAX-ის ოჯახის ყველაზე დიდი მოდელით, Boeing 737-10-ით ჩანაცვლების შესაძლებლობას. აღნიშნული Turkish Airlines-ს მეტ მოქნილობას მისცემს, რათა საკუთარი გამტარუნარიანობა ფრენების ქსელში მგზავრთნაკადის მზარდ მოთხოვნას შეუსაბამოს.
SAP ძვირადღირებულ AI მოდელებს უფრო იაფი ალტერნატივებით ანაცვლებს და €2 მილიარდზე მეტი ეკონომიკური სარგებლის მიღებას გეგმავს
03.11.2026.14:00
Mercedes-Benz-ი სტრატეგიის განახლებისთვის ემზადება, რომლის მთავარი აქცენტი ჩინეთის ბაზარზე გაკეთდება
03.11.2026.12:00
Fed-ის წარმომადგენლები ინფლაციასთან დაკავშირებული რისკების ფონზე საპროცენტო განაკვეთების გაზრდის აუცილებლობაზე საუბრობენ
02.11.2026.18:00
