ვოლოდიმირ ზელენსკიმ თავდაცვის მინისტრი გადააყენა
ოლექსი რეზნიკოვი უკრაინის თავდაცვის მინისტრის პოსტს დატოვებს. ამის შესახებ პრეზიდენტმა ვოლოდიმირ ზელენსკიმ 3 სექტემბერს საღამოს გამოსვლაში განაცხადა.
რეზნიკოვის ნაცვლად, ზელენსკიმ რადას თავდაცვის მინისტრის პოსტზე რუსტემ უმეროვის დანიშვნა, რომელიც ახლა უკრაინის სახელმწიფო ქონების ფონდს ხელმძღვანელობს.
„უკრაინის თავდაცვის მინისტრის შეცვლა გადავწყვიტე. ალექსეი რეზნიკოვმა 550 დღეზე მეტი სრულმასშტაბიანი ომი გაიარა. მიმაჩნია, რომ სამინისტროს სჭირდება ახალი მიდგომები და ურთიერთქმედების სხვა ფორმატები როგორც სამხედროებთან, ასევე მთლიანად საზოგადოებასთან. ახლა სამინისტროს რუსტემ უმეროვი უნდა უხელმძღვანელოს. მე ველი, რომ პარლამენტი მხარს დაუჭერს ამ კანდიდატურას“, - განაცხადა ზელენსკიმ.
რუსტემ უმეროვი (ყირიმელი თათრების) წარმოშობის უკრაინელი ბიზნესმენია. ის იყო საზოგადოებრივი ორგანიზაციის „ყირიმელი თათრების თემის“ ერთ-ერთი დამფუძნებელი, ასევე ყირიმელი თათრის ხალხის ლიდერის მუსტაფა ჯემილევის მრჩეველი.
2019 წელს უმეროვი უმაღლესი რადას წევრი გახდა. უმეროვი უკრაინის სახელმწიფო ქონების ფონდს 2022 წლიდან ხელმძღვანელობს.
ოლექსი რეზნიკოვი უკრაინის თავდაცვის სამინისტროს 2021 წლის ნოემბრიდან ხელმძღვანელობს.
რეზნიკოვის გადადგომის შესახებ ინფორმაცია პირველად მას შემდეგ გაჩნდა, რაც 2023 წლის დასაწყისში უკრაინაში კორუფციული სკანდალების გამო რამდენიმე მაღალჩინოსანი, მათ შორის თავდაცვის მინისტრის მოადგილეები გაათავისუფლეს.
კიდევ ერთი ინფპრმაცია უკრაინის თავდაცვის სამინისტროს ხელმძღვანელის შესაძლო შეცვლის შესახებ 2023 წლის აგვისტოში გავრცელდა.
დღის ტოპ 10 სიახლე
სხვა სიახლეები
McDonald’s განმეორებითი ვიზიტების წასახალისებლად ლოიალობის მრავალდონიან პროგრამას შექმნის
02.10.2026.16:00
McDonald’s-ის მარკეტინგის მთავარმა ოფიცერმა ინვესტორთა დღეს განაცხადა, რომ კომპანია ლოიალობის პროგრამას ახალ, მრავალდონიან სისტემაზე გადაიყვანს. ცვლილების მიზანია უფრო მკაფიოდ განასხვავოს ერთმანეთისგან ხშირი და შემთხვევითი მომხმარებლები.
ეს გადაწყვეტილება რესტორნების სექტორში არსებულ ტენდენციას მოჰყვება, რომლის მიხედვითაც კომპანიები ლოიალობის პროგრამებში მრავალდონიან სისტემებს ნერგავენ და ფართო მასშტაბით ფასდაკლებების შეთავაზებაზე ნაკლებად არიან ორიენტირებული, რადგან ასეთმა პრაქტიკამ შესაძლოა მოგების მარჟებზე უარყოფითად იმოქმედოს. Starbucks-მა ლოიალობის პროგრამაში ანალოგიური ცვლილების შესახებ იანვარში განაცხადა.
McDonald’s-ის მიზანი იქნება, ლოიალობის პროგრამაში ახალი წევრები მოიზიდოს და არსებული წევრების მიერ შესყიდვების სიხშირე გაზარდოს.
ყველაზე აქტიური ორი კატეგორია, ჯამში, მსოფლიოში 220 მილიონ წევრს აერთიანებს. მათ შორის არიან მომხმარებლები, რომლებიც McDonald’s-ს თვეში ერთხელზე ხშირად სტუმრობენ, ასევე ისინი, რომლებიც რესტორანში 90 დღეში ერთხელ მაინც მიდიან.
