2023 წლის სექტემბერში ბათუმში საცხოვრებელი ბინების ტრანზაქციების რაოდენობა გასული წლის სექტემბერთან შედარებით 31%-ით, 1,163 ერთეულამდე შემცირდა, ბაზრის ზომა კი 30%-ით შემცირდა და 53 მილიონი აშშ დოლარი შეადგინა.
Colliers Georgia-ს ინფორმაციით, ბათუმში სექტემბერში ახალაშენებული ბინების ტრანზაქციების რაოდენობა 32%-ით შემცირდა, ძველი ბინების შემთხვევაში კი 20%-იანი კლება დაფიქსირდა.
ბათუმში 2023 წლის სექტემბერში ახალაშენებული ბინების საშუალო შეწონილი ფასი 7%-ით გაიზარდა და კვ.მ-ზე 940 აშშ დოლარი შეადგინა. ძველი ბინების შემთხვევაში კი მაჩვენებელი 13%-ით, 751 აშშ დოლარამდე გაიზარდა.
