დოჰაში, Lineate-ს ვიცე პრეზიდენტი გიორგი ციკოლია, სამთავრობო და კერძო სექტორის წარმომადგენლებთან სავაჭრო მისიის ფარგლებში შეხვდება.
როგორც Business Insider Georgia-ს კომპანია Lineate-ში განუცხადეს, სავაჭრო მისია ამერიკული ტექნოლოგიური კომპანიებისათვის, რომელსაც კატარის დედაქალაქი მასპინძლობს აშშ-ში კატარის საელჩოს, კატარის კომერციისა და ინდუსტრიის სამინისტროსა, და Strategeast ორგანიზებით გაიმართება.
მისიის ფარგლებში შედგება შეხვედრები სამთავრობო და კერძო სექტორის წარმომადგენლებთან და სწორედ ამ შეხვედრებში მიიღებს მონაწილეობას Lineate-ს ვიცე პრეზიდენტი გიორგი ციკოლია.
„ჩვენი მიზანია, საქართველოს ოფისიდან გავზარდოთ გაყიდვები ახლო აღმოსავლეთში“, - განმარტავენ Lineate-ში.
Lineate-ს გარდა აღნიშნულ ღონისძიებაში ასევე მონაწილეობენ ისეთი ტექნოლოგიური კომპანიები, როგორებიცაა EPAM, GlobalLogic, Sigma Software Group , AltexSoft, Intellias, ELEKS, NIX, Unikoom, Computools და NIX.
ცნობისთვის, „Lineate“ პროგრამული უზრუნველყოფის კომპანიაა, რომელიც 4 ქვეყანაში, მათ შორის საქართველოშიც არის წარმოდგენილი.
მთავარი ოფისით ქ. ნიუ იორკში და ასევე, ოფისებით საქართველოში,პოლონეთსა და
სომხეთში. კომპანია ქმნის მომხმარებელზე მორგებულ კომპიუტერულ პროგრამებს, რაც
მათ კომპლექსური მონაცემების მიერ გამოწვეული პრობლემების გადაჭრაში ეხმარებათ.
კომპანიას 15 წელზე მეტი გამოცდილება აქვს. 2006 წლიდან, კომპანიას აშშ-სა და
ევროპაში განხორციელებული აქვს 920 პროექტი. კომპანია Lineate-ის ძირითადი
მიმართულებებია AdTech, MarTech, MedTech და FinTech. კომპანია
თანამშრომლობს The New york Times, Ebay, Warner music, Visa, SAP, Telenav,Voxy, NYU
Hospitals, 33 across, Rosen Publishing, Vive, Informa, Ondeck, ACN და სხვა.
