კაკაოს მარცვლების მსოფლიო ფასმა ტონაზე 11 ათას დოლარს გადააჭარბა და ახალ ისტორიულ მაქსიმუმს მიაღწია. კაკაოს ამჟამინდელი ფასი ორჯერ აღემატება 1977 წლის რეკორდს.
ამის შესახებ ICE Futures ბირჟის მონაცემები მოწმობს.
კაკაოს მარცვლის მაისის ფიუჩერსების ფასი დღევანლელი ვაჭრობისას 11 068 დოლარამდე გაიზარდა ტონაზე. წლის დასაწყისიდან კაკაოს ფასი უკვე გაორმაგდა.
კაკაოს მარცვლების ფასის წინა რეკორდი 26 მარტს დაფიქსირდა. მაშინ ნედლეულის ღირებულებამ ისტორიაში პირველად ტონაზე 10 ათას დოლარს გადააჭარბა.
