თიბისის მხარდაჭერით, საბურთალოზე მულტიფუნქციური კომპლექსი - “სიმეტრია • Simetria ჯიქია” შენდება. კომპლექსი 3 მიმართულებას აერთიანებს: საცხოვრებელ და კომერციულ სივრცეებსა და ბიზნეს ცენტრს.
„კომპლექსისთვის კერძო კაპიტალი ყაზახეთიდანაა მოზიდული. „სიმეტრია ჯიქია“ უძრავი ქონების ბაზარზე ყაზახური კაპიტალით განხორციელებული მორიგი პროექტი იქნება, - განაცხადა „კაპიტალ მენეჯმენტის“ მმართველმა პარტნიორმა გიორგი ჯახუტაშვილმა.
„სიმეტრია ჯიქიას, აქვს პოტენციალი ჩამოყალიბდეს უბნის ჰაბად, სადაც ყველა ფუნქცია იქნება თავმოყრილი კომფორტული ცხოვრებისთვის, მუშაობისა და დასვენებისთვის, - განაცხადა „სიმეტრიის“ დირექტორმა უჩა ქართველიშვილმა.
„ჩვენთვის, როგორც დეველოპერული სექტორის #1 მხარდამჭერისთვის, მნიშვნელოვანია სექტორის სწორად განვითარება, განსაკუთრებით ახლა, როდესაც უძრავი ქონების ბაზარზე მოთხოვნა სულ უფრო მზარდია“, - განაცხადა , თიბისის მსხვილი და საშუალო კორპორაციული მომსახურების დეპარტამენტის დირექტორმა გიორგი დარჩიაშვილმა.
შეგახსენებთ, რომ 41%-იანი ბაზრის წილით, თიბისი დეველოპერული და უძრავი ქონების სექტორის #1 მხარდამჭერია.
კომპანია „სიმეტრია“ 10 წელზე მეტია ქმნის ფასეულ უძრავ ქონებას საქართველოში. დღეისათვის მის პორტფოლიოში მრავალი მნიშვნელოვანი პროექტია წარმოდგენილი: Holiday Inn Express Tbilsi Avlabari – თბილისში; Best Western Kutaisi – პირველი ბრენდული სასტუმრო ქუთაისში; სავაჭრო ცენტრი „გლდანი მოლი“; საცხოვრებელი კომპლექსები – „სიმეტრია ვაკე” და „სიმეტრია ლისი“. ამ ეტაპზე დასრულების პროცესშია პრემიუმ კლასის საცხოვრებელი უბანი „სიმეტრია პარკი“ მთაწმინდის რაიონში.
უახლესი
