SIST საქართველოში პირველი შვეიცარიული საერთაშორისო სკოლაა, რომელიც მოსწავლეებს შვეიცარიული ხარისხის თანამედროვე სწავლებას სთავაზობს. აქ,  უახლესი საგანმანათლებო ინოვაციებითა და მაღალი ხარისხის აკადემიური პროგრამებით, თითოეულ მოსწავლეს საკუთარი უნიკალური პოტენციალისა და ინტერესების აღმოჩენაში ეხმარებიან. მათთვის, ვინც შვილისთვის სწორედ ასეთ გარემოს ეძებს - SIST-ში 2027-2028 სასწავლო წლისთვის მიღება დაიწყო, ხოლო მიმდინარე წლისთვის რეგისტრაცია კვლავ გრძელდება.

ხარისხი და შვეიცარიული მიდგომა

• შვეიცარიაში გადამზადებული აკადემიური პერსონალი;

• ტექნოლოგიებზე დაფუძნებული სწავლება;

• საერთაშორისო საგანმანათლებლო სტანდარტები;

• გაცვლითი პროგრამები: ზაფხულისა და ზამთრის ბანაკები შვეიცარიაში;

• ინდივიდუალურ საჭიროებებზე მორგებული და მოსწავლეზე ორიენტირებული მიდგომა.

სასწავლო მეთოდოლოგია და პროგრამები

SIST-ის სასწავლო პროცესის ქვაკუთხედი მათემატიკისა და უცხოური ენების გაღრმავებული სწავლებაა, რაც მოსწავლეებში ანალიტიკური აზროვნებისა და ღია, თავისუფალი, კომუნიკაციის უნარების განვითარებას უზრუნველყოფს.

ჩვენი სკოლის სასწავლო მოდელი ეფუძნება STEM მიდგომას - ინტერდისციპლინარულ ინიციატივას, რომელიც აერთიანებს ოთხ ძირითად მიმართულებას: საბუნებისმეტყველო მეცნიერებებს, ტექნოლოგიებს, ინჟინერიასა და მათემატიკას. მისი მთავარი არსი ინტეგრაციაა, რაც მოსწავლეს საგნების ერთმანეთთან დაკავშირებასა და რეალურ ცხოვრებაში არსებული პრობლემების გადასაჭრელად, მათ გამოყენებაში დაეხმარება.

სწორედ ამიტომ, SIST-ში სასწავლო პროცესი საერთაშორისო კურიკულუმის IPC ( International Primary Curriculum )-ის მიხედვით ავაგეთ. ეს პროგრამა ეხმარება ბავშვებს, ცალკეული საგნები - მეცნიერება, ისტორია, გეოგრაფია თუ ხელოვნება - ერთმანეთს დაუკავშირონ და თეორიული ცოდნა პრაქტიკაში მარტივად გამოიყენონ. ამასთანავე, IPC-ის პროგრამით სწავლება აძლიერებს ეროვნულ სასწავლო გეგმას. ( როგორ ინერგება IPC SIST-ში - უფრო ვრცლად გაეცანით ბმულზე. )

გაძლიერებული მათემატიკა

ჩვენს სკოლაში მათემატიკის სასწავლო პროგრამა სრულად ფარავს ქართული ეროვნული სასწავლო გეგმის მოთხოვნებს და ინტეგრირებულია Cambridge-ის პროგრამასთან:

I-IV კლასების ჩათვლით: სწავლება ძირითადად მიმდინარეობს ქართული სახელმძღვანელოებით, ხოლო Cambridge-ის პროგრამა და მასალები გამოიყენება როგორც დამხმარე რესურსი.

V კლასიდან: სწავლება მიმდინარეობს ინგლისურ ენაზე და ძირითადია Cambridge-ის პროგრამა და სახელმძღვანელოები, ხოლო ქართული წიგნები ასრულებს დამხმარე რესურსის ფუნქციას.

გაძლიერებული ენები

ინგლისური ენა ისწავლება I კლასიდან Cambridge Assessment English-ის პროგრამით, ხოლო III კლასიდან დამატებით უცხო ენად შემოდის ფრანგული, გერმანული და იტალიური ენები.

კლუბები

შვეიცარიულ საერთაშორისო სკოლაში მოსწავლეებს დახვდებათ კლუბების მრავალფეროვანი არჩევანი, რომლებიც ცალკეულად სხვადასხვა კატეგორიებად იყოფა: STEM, კრეატიული, წიგნის კითხვის და სპორტული კლუბები. ისინი აერთიანებს პრაქტიკულ კვლევებს, ტექნოლოგიებსა და შემოქმედებით მიდგომებს - მათ შორის, STEM და მეცნიერების კლუბებს, მათემატიკურ თავსატეხებს, Discovery Club-ს, SoundLab-ს ( მუსიკა ), ხელოვნებასა და ჭადრაკს. ეს ინტერაქტიული სივრცეები მოსწავლეებს აძლევს შესაძლებლობას, თეორიული ცოდნა რეალურ ექსპერიმენტებსა და პროექტებში გამოიყენონ, განავითარონ ლოგიკური აზროვნება, შემოქმედებითი ხედვა და გუნდური მუშაობის უნარები.

სასკოლო გარემოს უკეთ გასაცნობად და სასწავლო პროცესის შესახებ მეტი დეტალის გასაგებად, შვეიცარიული საერთაშორისო სკოლის დადიანის კამპუსი, 14 ნოემბერს 12:00 საათზე, დაინტერესებულ მშობლებს უმასპინძლებს. ღია კარის დღეზე შეძლებთ დაათვალიეროთ საკლასო ოთახები, გაეცნოთ სკოლის ინფრასტრუქტურასა და სასწავლო პროგრამებს, შეხვდეთ სკოლის დირექტორს და პირადად დაუსვათ თქვენთვის საინტერესო კითხვები.

ღია კარის დღეზე დასასწრებად დარეგსიტრირდით ბმულზე.

ავტორი: ნინო ნიკოლაიშვილი